Lugo, 31 de outubro, 2023. O BNG reclama á Xunta de Galicia “priorizar o trampeo e a actuación anticipada” e “fomentar a investigación” para controlar a praga da velutina. A demanda recóllese nunha proposta de goberno debatida e aprobada no pleno provincial deste martes.
Na exposición da proposta, o portavoz nacionalista e deputado de Medio Rural Daniel García sinalou que “as políticas da Xunta baseadas exclusivamente na retirada de niños é ineficiente” e criticou a falta dun criterio e unha planificación en actuacions preventivas. “Fai dous anos, era a Consellería do Medio Rural a que se encargaba a través das oficinas agrarias de distribuír as trampas e os atraentes na loita contra a velutina, agora son as entidades apícolas as encargadas da súa distribución, nas que recae todo o peso do control da praga”.
Fronte a isto, o portavoz nacionalista demandou “que se priorice o trampeo e a actuación anticipada sobre os niños primariso” e “se fomente a investigación sobre o ciclo biolóxico e comportamento da avespa asiátiva na Galiza”, e sostivo que “o trampeo e a captura das avespas velutinas nas fases máis sensibles do seu ciclo biolóxico debe ser unha necesidade de toda a sociedade, non śo dos apicultores”.
Daniel García remarcou tamén a necesidade de “axudas específicas para a prevención para minimizar as perdas de produción”, ademais de axudas polas perdas ocasionadas por esta especie. Sobre isto último, tal e como se recolle na proposta aprobada, pídese a Xunta de Galicia que “as baixas ocasionados pola vespa velutina non causen a perda de axudas á incorporación de persoas mozas á actividade agraria”.
Enerxía eólica
A iniciativa do BNG, a Deputación de Lugo esixe á Xunta de Galicia que retire a modificación legal recollida na lei de medidas fiscais e administrativas que acompaña ao orzamento 2024 e que prevé a declaración de interese público superior dos parques eólicos de competencia autonómica.
A formación nacionalista sacou adiante no pleno provincial – cos votos a favor do PSdG, e en contra do PPdG – unha moción que reclama ao goberno galego a retirada dunha proposta, que reduce os controis legais para a planificación, construción e explotación de parques eólicos.
O deputado e vicepresidente da Deputación Efrén Castro explicou que “ o PP quere colar no tempo de desconto e pola porta de atrás unha modificación lexislativa que permite as eléctricas instalar parques sin control e retira todas as competencias aos concellos”. “Se esta lei estivese vixente, a Serra do Oribio estaría coroada por muíños”, exemplificou sobre a falta de garantías á que aboca esta modificación legal.
O deputado nacionalista reclamou á Xunta de Galiza “unha planificación eólica seria, que respecto o medio ambiente a vida no rural e que repercuta na tarifa eléctrica e nos recursos para os concellos”.
Máis recursos contra a violencia machista
O BNG tamén trasladou ao pleno provincial a preocupación polo incremento de feminicidios en 2023 e polas últimas agresións sexuais denunciadas en Monforte ou Sarria en contextos de ocio nocturno.
A deputada Iria Castro remarcou que “a situación, que se dá ademais nun contexto socio-político de avance dos discursos machistas, debe facer saltar todas as alertas nas administracións públicas e levar á revisión dos mecanismos previstos para mellorar a prevención e a intervención, así como para concienciar á sociedade das consecuencias do patriarcado e da falsidade dos discursos que cuestionan a súa existencia”.
A deputada nacionalista incidiu neste aspecto durante o debate dunha moción que que insta á Xunta de Galicia a impulsar compromisos económicos e orzamentarios para garantir a atención á violencia machista.
A iniciativa, aprobada cos votos a favor do PSdG e a abstención do PPdeG, sinala especificamente a necesidade de “destinar o 1% do orzamento da Xunta a implementar as medidas pendentes da lei de prevención e tratamento da violencia de xénero de 2007, como a atención psicolóxica na atención primaria, e actualizar conforme ao IPC as prestacións periódicas ás vítimas.
Tamén demanda a aprobación dun programa de ampliación e extensión dos Centros de Información á Muller (CIM) e urxe a aprobación dun protocolo de prevención e intervención fronte agresións sexuais no marco do ocio nocturno, pendente desde comezos do verán.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
