Ribadeo, 24 de outubro de 2023. Hoxe foron inauguradas as obras realizadas na rúa Luz Pozo Garza. O investimento ascendeu a 200.000 euros. Ao acto asistiron o alcalde, Dani Vega, e o deputado de Medio Rural, Dani García, así coma concelleiras e concelleiros da Corporación Municipal ribadense.
O rexedor declarou que “hoxe estamos aquí inaugurando as obras de Luz Pozo Garza, unha rúa que tivo unha inversión de 200.000 euros, que é importante para Ribadeo. É unha das obras que contaron coa colaboración da Deputación de Lugo, por iso lle damos ás grazas á institución provincial. Hoxe está aquí o deputado de Medio Rural, Dani García”.
Vega destacou que “melloramos as infraestruturas. Era unha obra que quedaba xestionada por parte do anterior goberno municipal e nos consideramos que había que seguir avanzando. Nosoutros queremos esa colaboración permanente e absoluta con todas as administracións. A Deputación é unha administración que investiu sistematicamente en Ribadeo, apostaba e aposta por Ribadeo e espero que siga investindo en Ribadeo, porque temos moitos proxectos. Xa lle presentamos un ao vicepresidente da Deputación, de momento non nos contestou, pero sei perfectamente que o está a estudar”.
E engadiu: “tamén seguimos agardando que a Deputación reciba ao goberno municipal de Ribadeo, queremos presentarlle proxectos ao presidente. Hai moi boa disposición e nos cremos nesa cordialidade, nesa xestión, e abrir as portas á inversión en Ribadeo, que iso é o que realmente nos importa e lles importa a todos os ribadenses”.
O deputado de Medio Rural, Dani García, dixo que “achegámonos a Ribadeo para coñecer o estado das obras nas rúas Luz Pozo Garza e Casa do Pobo, que están na súa fase de finalización. Son unhas actuacións financiadas a través de dous convenios entre as dúas administracións -Deputación de Lugo e Concello de Ribadeo, no anterior mandato-, que inclúen a reposición do firme e dotacións de servizos e que supoñen un investimento de 96.000 euros para a rúa Casa do Pobo e 198.772 para a rúa Luz Pozo Garza”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
