María Loureiro e Iria Cotelo lembraron no pleno que o concello pediu en 2021, 2022 e 2023 tres subvencións por importes duns 33.800 euros, 33.800 euros e 58.800 euros respectivamente, sendo todas elas rexeitadas
Viveiro, 5 de outubro de 2022. O pleno do Concello de Viveiro aprobou onte unha moción presentada no pleno polo PP para solicitar melloras na praza de Abastos da vila. Porén, o equipo de goberno considera “necesario aclarar certas cousas con respecto ao contido da moción”.
A alcaldesa, María Loureiro, aclara que o sentido do seu voto foi favorable porque dende o Concello consideran “que todo o que supoña un beneficio ou mellora para a Praza de Abastos é positivo”.
A concelleira de Comercio, Iria Cotelo, manifestou pola súa parte que “o que sorprende é que durante anos non houbo tanta expectación nin tanto malestar público pola praza, e agora en dous meses, a pesar de que visitei a praza, que manteño contacto telefónico coas praceiras, que foron atendidas cando así o solicitaron, que se está a traballar para modificar as bases para os novos postos… atópome cun boom mediático deste tema; estase a traballar, e o que se precisa é tempo, porque o que hai que facer na praza non se consegue en dous meses”.
En todo caso, o equipo de goberno lembra que a Xunta de Galicia, gobernada polo PP, rexeitou outorgar a Viveiro diversas subvencións solicitadas previamente polo Goberno local para mellorar a praza.
Loureiro e Cotelo apuntan que o Concello pediu en 2021, 2022 e 2023 tres subvencións por importes duns 33.800, 33.800 e 58.800 euros, respectivamente, sendo todas elas rexeitadas. As peticións destas axudas foron inadmitidas alegando esgotamento de crédito.
Ao respecto disto, a alcaldesa sinala que, “por exemplo, en 2021 a resolución publicouse no Diario Oficial de Galicia o venres 10 de setembro e o prazo para presentar as solicitudes empezaba ás 00:00 horas do sábado 11 de setembro, esgotándose o crédito ese mesmo día ás 00:21 horas”.
“De xeito semellante aconteceu nas dúas convocatorias posteriores, nas que o prazo para a presentación se abriu ao día seguinte da convocatoria e o crédito se esgotou en ambos casos en menos de 1 hora”, afirma Loureiro. Esta rapidez en esgotarse o crédito imposibilitou que Viveiro puidese acceder ás axudas.
A alcaldesa destaca tamén que “o Concello xa realiza un seguimento das axudas que se convocan por parte das distintas administracións, valorando, en cada caso, a súa solicitude”, en referencia ás acusacións realizadas na moción do PP.
O goberno municipal concluíu destacando que “o Concello convocou en 2021 un procedemento aberto para a concesión de catro postos, quedando desertos dous deles”. “En novembro dese mesmo ano, volveuse a convocar un novo concurso e os locais referidos quedaron novamente desertos”, en referencia á queixa dos populares sobre a porcentaxe de postos ocupados do espazo.
Con intención de resolver esta problemática de postos vacantes, Iria Cotelo afirma que “as bases de licitación serán modificadas ampliando a diversidade dos produtos. Que poda haber unha floristería, por exemplo, agardando así que aumente o número de persoas interesadas na subasta”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
