Os Deputados Mayra García e Francisco Cajoto asistiron este sábado xunto á Alcaldesa da localidade, Rocío López, a esta cita que chega á súa trixésimo primeira edición cargada de música, actividades, moita gastronomía e un pregón de Fernández del Riego recuperado de 1998 na voz do actor Xulio Leal
Lugo, 30 de setembro de 2023. A Deputada de Economía, Recadación, Facenda e Especial de Contas, Mayra García Bermúdez, e o Deputado de Recursos Sostibles, Francisco Cajoto Caserío, tamén alcaldes de Trabada e Foz, respectivamente, asistiron este sábado xunto a Alcaldesa de Lourenzá, Rocío López, á trixésimo primeira edición da Festa da Faba. Unha cita coa que todo o municipio exalta durante esta fin de semana o seu produto gastronómico estrela co apoio da Deputación de Lugo.
Os deputados estiveron presentes nun pregón que este ano foi moi especial porque o actor do grupo Avelaíña Teatro Xulio Leal leu o texto que. no seu día e nesta mesma festa, ofrecera o laurentino Francisco Fernández del Riego en 1998. Logo, percorreron a zona de expositores na Praza do Conde Santo, onde comprobaron e eloxiaron a “alta calidade deste produto que xa está presente dentro das cartas máis exquisitas do país”. “É un ben moi apreciado que se pode maridar case con calquera produto, unha proxección á que contribuíu de maneira fundamental o distintivo de Indicación Xeográfica Protexida”. Nese senso, puxeron en valor o traballo dos fabeiros e fabeiras “porque son a semente, e nunca mellor dito, do produto que hoxe temos aquí, é un traballo de fondo que converte a Lourenzá na capital da Faba”.
Tamén puxeron o foco na importancia que ten este evento na visibilización do produto rei laurentino. “A faba é moi importante para economía local, tanto hoxe que vemos a vila chea de xente, coma en calquera época do ano porque é un factor de singularidade turística, capaz de atraer visitantes e de xerar riqueza na provincia”. Respecto a iso, concretaron que este tipo de turismo é o que fomenta e impulsa a Deputación, un modelo “sostible, de calidade, de experiencias, que pon en valor o noso patrimonio e a nosa gastronomía e que deixa valor no territorio, en termos económicos e de emprego”.
A Deputación de Lugo colabora coa festa a través do Plan Único de Cooperación cos Concellos cunha achega de 14.000€. A programación xa arrancou onte, coa novidade do festival musical Faba Fest, e prolongarase ata mañá domingo. Este ano, ademais, conta cun tren turístico que percorre a Ruta das Fabas e moitas actividades, como música, concentración de vehículos clásicos e, sobre todo, moita gastronomía focalizada na faba. Durante a fin de semana os bares de Lourenzá tamén servirán tapas elaboradas con fabas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
