Interior do porto de Rinlo, Ribadeo. (gl.wikipedia.org. Tomada por user:Agremon o 24/07/05)
Nota de Prensa
FERNANDO SUÁREZ PÍDELLE AO GOBERNO QUE ADXUDIQUE DE INMEDIATO AS OBRAS DE RECUPERACIÓN DAS CETÁREAS DE RINLO, UN PROXECTO QUE CONTA CUNHA PARTIDA NOS ORZAMENTOS DO ESTADO DESTE 2010 DE 400.000 EUROS.
Ribadeo, 20 de setembro de 2010. O alcalde de Ribadeo, Fernando Suárez, pídelle ao goberno que adxudique de inmediato as obras de recuperación das cetáreas de Rinlo, un proxecto que conta cunha partida nos orzamentos do Estado deste 2010 de 400.000 euros.
O rexedor referíuse hoxe á contestación que o Ministerio de Medio Ambiente, Rural e Mariño lle acaba de dar aos deputados do BNG no Congreso a cerca do estado de tramitación deste proxecto. Segundo explica Suárez Barcia “o goberno contesta que desde abril está en fase de licitación dito proxecto de máis de 2 millóns de euros e para esta anualidade de 2010 hai consignados nos orzamentos do Estado 400.000 euros grazas a unha enmenda presentada por parte do BNG. Desde logo esta obra, esta recuperación etnográfica destes recursos abandoados vai supoñer un aliciente moi importante para o turismo que chega non só a Rinlo senón a todo Ribadeo, dado que como elemento de ocio, turístico ou mesmo educativo para os máis nenos será moi significativo”.
Ao alcalde parécelle “tempo dabondo o transcurrido desde o pasado mes de abril, momento no que se iniciaron os trámites para licitar a obra. Entendemos que terán que espabilar moito para que antes de que remate o 2010 se poida proceder á súa adxudicación. Xa vexo que difícilmente se poderá certificar ou executar esta partida de 400.000 euros que hai consignada nos orzamentos do Estado para este ano e canto máis tardemos en licitalo máis se tardará en ver a obra totalmente rematada”.
Fernando Suárez engade que “é unha obra que fará unha vez máis de Ribadeo un referente para ben. Agardo que o goberno do Estado, a pesares da súa situación económica, cumpra cos compromisos consignados porque aquí non se está a pedir nada adicional nin trato de favor especial, que tamén o merecemos por outra parte. Esto está consignado, hai que executalo e hai que licitalo inmediatamente. Esperemos que esta contestación que lle da o goberno ao BNG no Congreso que se efectivice e que nos próximos días vexamos xa finalmente no Boletín Oficial do Estado o anuncio formal de licitación destas importantísimas obras de recuperación das cetáreas de Rinlo”.
Interior do porto de Rinlo, Ribadeo. Tomada por user:Agremon o 24/07/05
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
