O voceiro popular en Foz denuncia que o equipo de goberno parece máis preocupado en defender á empresa concesionaria do servizo que en dar explicacións á veciñanza e aos grupos da oposición
Foz, 4 de setembro de 2023. O Partido Popular de Foz non vai a descansar ata que os veciños do municipio coñezan os motivos reais dos numerosos problemas que levan sufrindo todo o verán co abastecemento da auga potable e que afectaron de xeito notable a comerciantes, hostaleiros e autónomos, ademais de danar a imaxe do municipio nos meses de maior afluencia de turistas.
O voceiro popular, Javier Castiñeira, explica que dende o PP se solicitará a convocatoria dun pleno extraordinario para acadar a creación dunha comisión de investigación “tras varias semanas sen poder consumir auga da traída, sobre todo en agosto, o mes máis importante a nivel turístico para o municipio”.
Nas últimas semanas, o alto contigo de halometanos (por enriba dos 100 mg/L permitidos) provocou que se decretasen por parte do alcalde restricións no consumo de auga algo que afectou seriamente a vida diaria dos veciños de Foz, ademais de ocasionar serios problemas a comerciantes, hostaleiros e autónomos. “Xa pedimos a creación desta comisión de investigación nos primeiros días desta crise, nas vésperas das festas de San Lourenzo, pero o equipo de goberno nada fixo”, lamentou.
Javier Castiñeira afirma que “non se pode entender a total falta de transparencia do equipo de goberno, que parece máis preocupado en defender á empresa concesionaria do servizo que en dar explicacións á veciñanza e aos grupos da oposición”, ao que engade que “é fundamental que se avalíen cales son as circunstancias que provocaron esta situación, cales son as solucións e sobre todo saber todos os danos ocasionados e facilitar que os veciños poidan reclamar os danos producidos”.
INFRAESTRUTURAS RENOVADAS
Javier Castiñeira recorda que Foz é un dos municipios con mellores infraestruturas na captación (realízase do río Ouro, que normalmente presenta un caudal suficiente) e hai poucos anos que o municipio recibiu unha axuda da Xunta de Galicia para construír os depósitos da auga.
Con esta situación “as restricións non poden manterse no tempo sen buscar solucións axeitadas xa que se están a provocar graves danos aos veciños, habendo moitos que que teñen serias dúbidas sobre se a concentración de halometanos puido causar danos na súa saúde”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
