O deputado mariñán José Manuel Balseiro visitou o areal acompañado do alcalde da localidade, Jesús Novo Martínez
O Vicedo, 31 de agosto de 2023. O deputado do Grupo Parlamentario Popular e voceiro de Infraestruturas, José Manuel Balseiro, vén de presentar unha proposición non de lei no Parlamento de Galicia na que se insta ao Goberno de España, máis en concreto á demarcación de Costas do Estado, a levar a cabo a rexeneración da praia de Fomento, no municipio lucense de O Vicedo.
O obxectivo desta iniciativa é o de recuperar a calidade deste areal natural en coherencia con actuacións similares que a Administración central, competente nese espazo, executa noutros puntos da costa lucense. Na súa proposta, o Grupo Popular advirten que esta praia, moi próxima ao núcleo urbano, situada entre o porto e antigo varadoiro, presenta na actualidade un estado de conservación “deficiente”, motivado polas propias dinámicas naturais e pola presenza de moitas algas que cobren a práctica totalidade do ano a zona do areal e a zona de baño, “sen que a normativa vixente permita a súa retirada”.
COMPROBACIÓN SOBRE O TERREO
Balseiro comprobou sobre o terreo a situación deste areal e a potencialidade da súa mellora, acompañado do alcalde de O Vicedo, Jesús Novo Martínez. Ambos coinciden en sinalar que sería moi conveniente que se destinen os recursos necesarios para acometer este proxecto que tecnicamente é viable, segundo apuntan os expertos, cunha actuación de rexeneración que implicaría a achega de novas cantidades de area.
O deputado popular sinala tamén que a iniciativa serviría como complemento do proxecto impulsado desde o propio Goberno local para construír un paseo marítimo que unirá o antigo varadoiro e os Castelos co paseo xa existente de Moledos, “contribuíndo a mellorar, poñer en valor e dignificar este enclave”.
Balseiro lembra que o municipio de O Vicedo, na costa occidental da Mariña lucense, é moi coñecido polo popular itinerario de pasarelas de O Fuciño do Porco, pero tamén por atesourar algunhas das praias máis bonitas de Galicia. “Falamos de reputadísimos areais como os de Abrela, Xilloi, Caolín ou O Vidrieiro, de gran calidade; ou Area Grande recoñecido polos surfistas; e a praia de Arealonga, na desembocadura do río Sor e da ría do Barqueiro, aos que agora podería sumarse a praia de Fomento, de acadar a súa rexeneración”, concretou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
