Nota de Prensa
A Deputación aforra 500.000 euros na redacción dos proxectos de obra dos 16 Concellos afectados polo canon
– A diferenza do anterior equipo de goberno, os proxectos de obra pública non se contratan a unha empresa externa, senón que os realizan os técnicos provinciais, evitando este gasto ás arcas da Deputación
– Na actualidade están tramitadas ou executadas o 100% das obras do plan 2008-2009 e 30% da anualidade de 2010
– Gato Soengas subliña que “ademais de poñer a cero o contador desta débeda histórica que obstaculizou durante anos o desenvolvemento destes municipios, producimos un adelgazamento importante no gasto corrente desta Deputación”
– O organismo provincial cortará o vindeiro luns a estrada provincial 0702, en Cervantes, na que aplicará aglomerado en quente, habilitando desvíos alternativos que estarán debidamente sinalizados
A Deputación aforrou aforrou 500.000 euros en gasto corrente na redacción dos 91 proxectos de obra que ten en marcha nestes momentos nos 16 Concellos da provincia afectados polo canon. A diferenza do que acontecía co Partido Popular os proxectos de obra pública xa non se encargan a unha empresa externa senón que os realizan os técnicos provinciais, sen que isto supoña un gasto para as arcas da Deputación. O voceiro provincial socialista, Antonio Gato Soengas, subliñou que “ademais de poñer a cero o contador desta débeda histórica que obstaculizou durante anos o desenvolvemento dos Concellos producimos un adelgazamento importante no gasto desta Deputación, concretamente uns 80 millóns das antigas pesetas. Se fora co anterior goberno este proxectos encargaríanse a empresas externas, a diferenza do que acontece agora”.
Neste senso, indicou que “a inxección económica que supón o canon para estes municipios ten dobre importancia nun momento económico como o actual: primeiro porque aumentamos a obra pública nos municipios e, segundo, porque a Deputación asume tanto a redacción dos proxectos, porque os fai o propio servizo da Deputación, como a execución das obras”.
O reparto do canon de 2010 aprobouse no mes de maio e, na actualidade, preto do 30% das obras están tramitadas. En total, 30 actuacións que pertencen a 5 Concellos: Fonsagrada, Negueira de Muñiz, Pantón, Carballedo, Guntín. Polo que se refire ás anualidades 2008-2009, o organismo provincial tramitou ou executou o 100% dos proxectos. A Deputación demostra que é unha institución colaborada e que produce servizos que van destinados ós cidadáns. Ademais, fronte á falta de diálogo coas administracións locais, á deixadez e ó desafio ó Tribunal Supremo no caso de Chantada do anterior goberno, as obras foron consensuadas cos Alcaldes e esta Deputación pode falar de cumprimento”.
Precisamente, a Xunta de Goberno deste venres aprobou a mellora, abastecemento de auga e saneamento en varios núcleos de Quiroga dentro da anualidade de 2010 por valor de 169.142 euros. Deste xeito, a Deputación cumpre con este Concello, pechando esta débeda histórica que se cifra en 508.826 euros e que fixo efectiva en tres anos sen que existise sentenza xudicial como en Chantada.
Melloras nunha estrada en Cervantes
A Deputación cortará o luns a estrada provincial 0702 que vai de San Román a Degrada, en Cervantes, para comezar a botar aglomerado en quente nun treito de 9,4 quilómetros, dende o punto quilométrico 5,100 ó 14,500. Neste senso, Gato Soengas respostou as críticas do Partido Popular sobre as obras que o organismo provincial executa neste vial. “Levamos traballando nesta estrada dende hai meses, concretamente dende maio, para deixala en perfectas condicións e non como a deixou o Partido Popular. As melloras son notables: pasouse dun ancho inicial de 4,30 metros a 5,15, unha dimensión máis que axeitada ó tratarse dun trazado de montaña, e agora botarémoslle aglomerado en quente, sinalizarase vertical e horizontalmente, e instalaranse ollos de gato e biondas”.
Neste senso, Gato Soengas anunciou que o servizo de Contratación da Deputación está tramitando o proxecto para acometer a mellora do treito que falta, é dicir, dende o punto quilométrico 5,15 ó 24. O investimento que realiza a Deputación nesta estrada, que estará pechada ó tráfico durante unha semana, é de 908.887 euros. Para iso, habilitaranse desvíos alternativos que estarán perfectamente sinalizados:
– corte en San Román, no punto quilométrico 5,500. Habiltaranse tres: a Degrada por Quindós a Setecarballos; a Degrada por Liber e Doiras; e a San Román por Liber.
– corte no punto quilométrico 15,500. Neste caso, o desvío a San Román por Degrada, Doiras, Vilanova e Liber.
“Manual do PP”
O voceiro provincial socialista sinalou que estas actuacións demostran a xestión eficaz do actual equipo de goberno “fronte a unha anterior que era antiga e caciquil”. Neste senso, destacou “en materia de estradas había un desbaraxuste e unha falta de planificación. Non se levaban a cabo expropiacións, a sinalización das estradas na Montaña luguesa era inexistente. Agora nós temos plans de actuación. Esta Deputación traballa con eficiencia e rigor”.
Gato Soengas tamén se referiu ás últimas declaracións do Partido Popular sobre o Hotel Miño. “O PP adquriuna para acometer o primeiro caso de transfugismo político na provincia, comprando a vontade dun Deputado que era o dono daquelo para adquirir unha maioria absoluta. Agora cunha total amnesia non se lembran de que aquel lío vén dos lodos que eles mesmos botaron. Agora falan con toda tranqüilidade: que se un pavillón ten unha pingueira, que se un bache… manual, manual, manual; crítica sen rigor; absoluta falta de propostas. Todo isto é o que expresa o Partido Popular en Lugo. Este é o manual do PP”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
