Carmela López, Mario Pillado e Lina Gómez propóñenlle unha colaboración coa Escola de Música
Burela, 16 de agosto de 2023. O Concello de Burela recibiu na Casa do Concello de Burela a Silvia Rozas Ramallal, natural do municipio e actual frautista principal da Ópera de Hannover, contando cunha destacada traxectoria musical a pesar da súa xuventude.
Dende o Concello destacan o “orgullo que supón que Silvia dese os seus primeiros pasos musicais na Escola de Música de Burela, da que pasou ós conservatorios de Vilalba e Viveiro para logo seguir coa súa preparación na Coruña, de onde deu o salto cara Alemania, primeiro en Berlín e agora en Hannover”.
Ademais de ter participado en prestixiosos certames internacionais, foi membro da Orquestra Sinfónica de Galicia, da Xove Orquestra da Unión Europea e da Ópera de Berlín.
Tanto a alcaldesa, Carmela López, como o tenente de alcaldesa, Mario Pillado, e a concelleira de Cultura, Lina Gómez, mantiveron unha distendida conversa con Silvia, na que a intérprete lles trasladou “o bo ambiente no que traballo, coñecer persoas de diferentes culturas e as viaxes son o que mais valoro da música”.
Segundo Carmela López, “aproveitamos este encontro para facerlle un recoñecemento público pola súa gran carreira e para propoñerlle unha colaboración que agardemos sexa produtiva coa nosa Escola de Música, da que a propia Silvia Rozas foi alumna e á que temos intención de dar un forte impulso”.
Pillado sinalou que “a experiencia de Silvia pode ser moi positiva para os usuarios e as usuarias da nosa Escola, así como tamén para animar a outros nenos e nenas a que comecen a súa relación coa música, non só para marcarse as metas que acadou a propia artista senón para valorar todas as vantaxes que a música pode ofrecer”.
Finalmente, tanto os membros do goberno local como a virtuosa burelá se emprazaron a unha nova visita desta última para concretar máis a colaboración que se propuxo.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
