Recalará entre os días 16 e 20 de agosto en Xove, Viveiro, O Vicedo e Cervo ofrecendo degustacións gratuítas de petiscos con produtos do mar
Lugo, 14 de agosto de 2023. A campaña GALICIA SABE AMAR da Xunta de Galicia recala na Mariña nunha das semanas de maior afluencia turística na zona. A partir do mércores, unha foodtruck pecorrerá varias localidades ofrecendo degustacións gratuítas de petiscos elaborados a base de pescados e mariscos galegos.
A iniciativa quere poñer en valor o labor dos profesionais do mar, difundir a calidade dos produtos galegos e concienciar sobre a importancia de manter uns bos hábitos nutricionais que inclúan o peixe como alimento saudable.
O día 16 a foodtruck estará situada na praza xunto ao centro cívico de Xove, o 17 nos xardíns Noriega Varela de Viveiro, o 18 na praia de Xilloi do Vicedo e a fin de semana en Cervo. Estará aberta entre as 12:00 e as 15:00 horas e de 18:00 a 21:00 horas pola tarde.
A campaña consta de catro furgonetas acondicionadas que realizan outras tantas rutas por máis de 250 municipios de España relacionados co Camiño de Santiago, percorrendo en total arredor de 6.400 quilómetros. En concreto, a que visita estes días A Mariña viaxou ata Valencia e entre as principais cidades nas que fixo parada figuran Valladolid, Segovia, Madrid, Toledo ou Albacete.
O obxectivo é animar aos cidadáns a consumir os excelentes e variados produtos que comercializan as lonxas galegas -máis de 300 especies diferentes-, todos da máxima frescura e calidade. Para elo, elabóranse ata 10 receitas con produtos certificados do mar (como o berberecho de Noia, o bonito do norte, o mexillón de Galicia ou peixes e mariscos co selo pescadeRías) xunto con outros da terra con denominación de orixe como as fabas de Lourenzá, o mel, os pementos, os queixos, o pan e as patacas.
As persoas interesadas en visitar algunha parada das catro rutas de foodtrucks poden informarse nos perfís de redes sociais da Consellería do Mar ou na páxina web da campaña onde se actualizan os datos referidos aos distintos percorridos.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
