Viveiro, 28 de xullo, 2023. Ante as declaracións vertidas por parte da voceira do Partido do Popular, totalmente sesgadas e que faltan á verdade, vémonos na obriga de informar, unha vez máis, dende a total transparencia tal e como se fará no vindeiro pleno de organización que se celebrará o luns 31 de xullo ás 10 da mañá e ao que a veciñanza pode acudir.
“Lamentamos que o Partido Popular comece o mandato cunha actitude hostil na que descalifica á alcaldía e á tenenta de alcaldesa como “prepotentes” e manipula información á súa convenencia, mais o goberno actuará dende o respecto”.
Pedimos á voceira do PP que deixe de terxiversar a información: evidentemente unha das primeiras decisións que hai que tomar é o reparto de áreas e as dedicacións, pois forma parte todo pleno de organización de goberno igual que acontece no resto dos concellos do País. Este goberno xa ten unha listaxe de tarefas marcadas co seu programa propio e con outros partidos, sobradamente anunciadas, e convidamos que o PP se sume á oposición construtiva. Poucos gobernos parten dun nivel de esixencia tan altos coma este.
A lei permite até 7 dedicacións para Viveiro, cun importe máximo de 58.000€ brutos anuais cada unha, a experiencia dos últimos anos confirma que dúas dedicacións non son suficientes, por iso acordamos nesta nova etapa de goberno un total de 4 dedicacións exclusivas, o que suporá dispoñer de 4 persoas a tempo completo para sacar o traballo adiante, pero cuxos soldos non superan o custe económico de 3 dedicacións, ou o que é o mesmo, o cómputo total de soldos, 136.700€ serían case equiparables a 2 dedicacións exclusivas cobrando o máximo permitido, que serían uns 116.000€.
Pode considerarse unha irresponsabilidade argumentar que pagar os soldos de 4 persoas traballadoras serven para endebedar o concello e máis argumentar que non están xustificados, cando todas as persoas que conforman o goberno teñen asigandas áreas que xestionarán, dos 8 concellales que forman o goberno bipartito, só a metade cobrará, as outras 4 persoas concelleiras que xestionarán Cultura, Medio Rural, Turismo e Deporte non contarán con asignación económica.
Se temos en conta Concellos similares en habitantes a Viveiro, a media de dedicacións son 4, por exemplo Vilalba con 13.800 habitantes terá 2 exclusivas e 4 parciais por valor de 139.000€, Sada con 16.000 habitantes, 7 exclusivas por valor de 222.000€ ou Noia, con 14.000 habitantes conta con 4 exclusivas e 1 parcial por valor de 146.000€.
Tomando como referencia os 3 concellos coas poboacións máis similares ás de Viveiro e outros 3 concellos da provincia similares, o goberno de Viveiro supón, con ampla diferenza, o de menor custe por habitante coa excepción de Monforte, onde o alcalde cobra da Deputación.
En todos os concellos de Galiza, houbo que facer unha modificación do orzamento, é unha operación dentro da normalidade, pois o feito de realizarse as eleccións municipais na metade do ano, fai que o orzamento non tivera previsto os soldos das persoas que se incoporan ao goberno e sendo necesaria unha modificación das partidas para asumir o importe, isto é o que traslada a intervención no seu informe. Tildalo de “demoledor” supón non coñecer o funcionamento do orzamento.
En definitiva, consideramos que é unha remuneración adecuada e que garantirá unha xestión pública efectiva, responsable, e comprometida co interese xeral da sociedade e que demostraremos durante o vindeiro mandato.
“Agardamos que tanto Partido Popular como Por Viveiro, apoien os acordos aos que chegamos o goberno, pois son sensatos, deberán dar a oportunidade de demostralo e exercer a súa capacidade de fiscalización dende unha oposición construtiva e en positivo durante o vindeiro mandato”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
