Foz, 28 de xullo de 2023. O Deputado de Recursos Sostibles, Francisco Cajoto Caserío, participou este venres na presentación da décima edición do Festival Bal y Gay. A cita, que un ano máis conta cunha achega da Deputación de Lugo por importe de 12.000€, se celebrará do 10 ao 24 de agosto en lugares emblemáticos da Mariña lucense. Así, serán escenarios da mellor música clásica o Teatro Pastor Díaz de Viveiro, o Castelo de Castrodouro de Alfoz, o auditorio Hernán Naval de Ribadeo, o Mosteiro de San Salvador de Lourenzá, a Basílica de San Martiño de Foz, ou a Catedral de Mondoñedo.
Francisco Cajoto puxo en valor “a formación e a difusión musical deste evento único que ofrece concertos e experiencias artísticas nas que a música convive coa paisaxe e o patrimonio arquitectónico da provincia”, destacando que a cita enriquece a oferta cultural e dinamiza a economía da comarca, “proxectando os seus atractivos”.
Así mesmo, o Deputado destacou que esta cita “enriquece a oferta cultural e, ao mesmo tempo, dinamiza a economía da comarca, proxectando os seus atractivos”. Por iso, a Deputación vén apoiando desde os seus inicios este proxecto que segundo explicou o deputado “encaixa perfectamente co modelo de turismo que impulsamos dende a Deputación, de calidade, sostible, de experiencias, que coida o noso patrimonio e que deixa valor no territorio en termos económicos e de emprego”.
O Deputado de Recursos Sostibles, que é tamén o Alcalde de Foz e Presidente da Mancomunidade da Mariña lembrou tamén que ambas institucións colaboran con este festival. Desde a Mancomunidade cunha achega de 2.500€ e desde o Concello ademais cunha importante colaboración na organización loxística da cita musical.
O programa da nova edición
O Programa deste Festival Bal y Gay 2023 comezará o xoves, 10 de agosto, ás 20.30 horas no Teatro Pastor Díaz de Viveiro cun concerto da Real Filharmonía de Galicia. O sábado 12 de agosto, ás 20.30 horas, terá lugar no Castelo de Castrodouro de Alfoz a actuación do cuarteto de saxofóns Kebyart. O domingo 13 de agosto, Rocío Pérez e Javier Carmena actuarán no auditorio Hernán Naval de Ribadeo ás 20.30 horas. O luns 14 de agosto, ás 21.00 horas, Sara Fernández interpretará á viola tres das suites de Bach no Mosteiro San Salvador de Lourenzá. María Joao Pires, un dos pratos fortes desta edición, actuará o 15 de agosto no auditorio Hernán Naval de Ribadeo en pases de mañá (12.30 horas) e tarde (20.30 horas). E tamén o Cuarteto Quiroga dará dous pases do seu concerto programado para o 16 de agosto na Basílica de San Martiño de Foz, o primeiro ás 18.00 horas e o segundo a partir das 20.30 horas. O trío Vibrart ofrecerá o seu concerto o vindeiro 18 de agosto no Pazo de Fontao de Foz ás 20.30 horas.
A Casa da Cultura de San Cibrao acollerá ás 20.30 horas o concerto dos marimbistas Conrado Moya e Kataryna Mycka. Opera Omnia fará as delicias de aqueles que se acheguen á igrexa de Santiago de Foz o día 20 de agosto a partir das 21.00 horas. Para o día 21 de agosto, ás 21.00 horas, o barítono Kostantin Krimmel e o pianista Marcelo Amaral actuarán na Basílica da Asunción da Catedral de Mondoñedo. O Quinteto Zoar ofrecerá un concerto o 22 de agosto na igrexa de San Miguel de Reinante, en Barreiros, ás 20.30 horas. Finalmente, a Orquestra Sinfónica de Galicia pechará a programación do Bal y Gay 2023 o día 24 de agosto, ás 21.00 horas cun concerto na Basílica da Asunción da Catedral de Mondoñedo.
Xunta de Galicia
O delegado territorial da Xunta en Lugo, Javier Arias, destacou hoxe en Foz que o festival Bal y Gay “achega a música clásica a algúns dos espazos máis privilexiados da Mariña” co apoio do Goberno galego.
A Consellería de Cultura, Educación, FP e Universidades renova un ano máis a súa colaboración económica con esta iniciativa, dedicada á difusión da música clásica desde escenarios singulares.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
