Fernando L. Pedre en representación do partido Socialista de Xove aclara o seguinte:
1. Este partido pega os carteis de publicidade nos poucos paneis que están colocados en Xove, nos que practicamente estaban ocupados polos dous partidos azuis que deben crer que son os que teñen todos os dereitos en Xove.Dado que hai cantitade de núcleos de poboación onde non hai paneis para publicidade,pegamos carteis para informar a todos e todas as veciñas de Xove.E que non se preocupen que sabemos pegar e despegar.
2. Di Don Carlos,que foron eles os da iniciativa de poñer paneis para publicidade aló polo 2011, pois eu teño que dicirlle que ou a iniciativa era moi cortiña ou ten un profundo descoñecemento do concello de Xove, xa que hai unha gran cantidade de núcleos de poboación que non hai paneis para colocar publicidade.Podo indicarlle uns cantos a modo de información: Urb. Palmeiro con máis de un 50% da poboación da Rigueira, Loureiro, Gondar e Vilariño na parroquia de Monte, Villalpol na de Portocelo, Esteiro na de xuances etc….
Dicirlle a este Sr. do partido azul,que Xove chega dende o faro de Roncadoira a Cruz do Pau da Vella e dende a Medela a a Canteira e dentro disto hai un bo número de veciños que teñen todo o dereito a ser informados, xa que parece que para os azuis Xove solo é o Centro Civico e a Avda. Da Diputación, claro como vive fóra de Xove igual perdeu a orientación.
3. Paréceme lamentábel ver como alguén que presume de esquerdas me ameacen e pretenda coartar a liberdade de información, eu que nacín na ditadura xa vivín esa etapa, polo que me produce tremenda tristeza este tipo de actitudes que pensei que xa están superadas.E teño un lema que morrerei con el “prefiro morrer de pé que vivir sempre arrodillado”.
4. A este partido socialista sempre o encontrarán para loitar polas liberdades, nunca para coartalas, tamén para loitar por mellorar Xove non para aproveitarnos de Xove, vexo que parece que algún non superou os resultados das eleccións municipais, pero así é a vida unhas veces se gaña e outras se perde.É tan importante saber gañar como saber perder, e nestas situacións é onde se ven os talantes e as actitudes, xa o dicía un amigo meu , “Se queres saber como é unha persoa dálle un carguiño”.
E xa como reflexión final nós seremos respectuosos con todos/as pero tamén pedimos respecto.
Fdo.Fernando L. Pedre PSdG-PSOE de Xove
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
