A actuación realízase ao abeiro dun convenio coa área de Medio Ambiente da Deputación
Barreiros, 5 de xullo de 2023. A Xunta de Goberno do Concello de Barreiros vén de adxudicar a sinalización das bocas de incendios existentes no municipio, así como a instalación de tres novos puntos de recarga de vehículos contra incendios situados na zona interior do concello.
Este investimento, que ascende a 10.863,85 euros, que se financian integramente ao abeiro dun convenio subscrito entre o municipio barreirense e a Deputación Provincial.
A alcaldesa, Ana Ermida, explicou que “esta actuación responde á necesidade de axilizar e facilitar as posibles actuacións de extinción de incendios que poidan darse no municipio, facilitando así o traballo dos servizos de extinción de incendios, tal e como se nos trasladou desde os propios servizos.”
O Concello de Barreiros procedeu a identificar, en colaboración co persoal do parque de Bombeiros, un total de 24 bocas de incendios existentes que serán sinalizadas coa colocación de sinais verticais reflectantes con indicación do diámetro das bocas. Ademais deste traballo, a actuación contempla a colocación de tres novas bocas en Vilamar, San Xusto e A Rilleira, dando cobertura á zona interior do concello; onde actualmente non existe ningún punto adaptado para a carga deste tipo de vehículos.
Con estas actuacións, Barreiros contaría cunha rede de puntos de carga de vehículos contra incendios que permitiría a realización das labores de extinción dun xeito máis áxil e eficaz, ao reducir os tempos de desprazamento e de realización da propia carga, ao colocarse en lugares onde a rede de abastecemento conta con capacidade suficiente para unha carga rápida.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
