Ribadeo, 21 de xuño de 2023. Os establecementos asociados a Acisa repartirán 150.000 rifas que se porán en circulación dende o 23 de xuño ata o 9 de xullo, xornada na que terá lugar o sorteo da viaxe a Cuba no marco do Ribadeo Indiano 2023.
A presidenta de Acisa, Carmen Cruzado, manifestou: “dende Acisa quixemos poñer os máximos recursos posibles a disposición dos nosos socios e socias para contribuír a facer o mellor Ribadeo Indiano e deste xeito dinamizar a economía local e por iso neste 2023 repetimos o sorteo dunha viaxe para dúas persoas a Cuba. Somos conscientes do éxito que tivo esta iniciativa nas edicións pasadas e consideramos que non podía faltar este ano. Dende Acisa estamos a traballar para premiar e fidelizar as compras na nosa vila nunha época na que comezan as rebaixas e aumenta a afluencia turística e sen dubida este sorteo axuda”.
O xerente de Acisa, Jesús Pérez, explicou que “a viaxe que se sortea é para dúas persoas e será para desfrutar do 5 ao 12 de setembro de 2023. O premio cubre o vo Madrid-Habana-Madrid, así como as estancias en hoteis de 5 estrelas (aloxamento e almorzo) tanto en La Habana como en Varadero, visado a Cuba e seguro básico de viaxe, entre outros complementos extra”.
Pérez Prada indicou que “participar no sorteo é moi sinxelo. As rifas estarán a disposición dos clientes nos establecementos asociados a Acisa do 23 de xuño o 9 de xullo. O único que teñen que facer é pedir as rifas tras o gasto realizado. As papeletas deberán ir debidamente seladas polos establecementos. O sorteo será presencial o dia 9 de xullo tras a actuación de Eliades Ochoa, polo tanto é moi importante destacar que a rifa debe conservarse ata o mesmo 9 de xullo e que ese dia de 12 da maña a nove da noite, as persoas que teñan rifas, deberán introducilas na urna que estará instalada fronte os Cocos. Na urna deberá quedar a parte pequena da rifa co selo do establecemento e haberá que conservar a parte grande para o sorteo. Non serán validas as papeletas sen o selo dos negocios. As bases do sorteo e o listado de establecementos adheridos están dispoñibles na web e redes sociais do Ribadeo Indiano e de Acisa. Tamén figurarán na rifa e no cartel identificativo dos establecementos asociados as normas básicas”.
O xerente de Acisa engadiu: “queremos destacar que este ano editáronse 150.000 rifas, 50.000 mais que o ano pasado, debido ao éxito do sorteo. Sendo moi prudentes, facendo unha media de 5 rifas por compra e unha media de 40 euros de valor de cada compra estariamos a falar de que so co sorteo estariamos xerando 1.200.000 euros de impacto na economía local de Ribadeo nas dúas semanas que dura campaña”.
Cruzado Iglesias, a presidenta do colectivo empresarial, tivo palabras de agradecemento para as administracións e para os patrocinadores: “quero agradecer de forma especial, en primeiro lugar ao Concello de Ribadeo, co que seguimos a coorganizar o Ribadeo Indiano e que continúa confiando nesta actividade tan exitosa, tamén á Deputación de Lugo, que cofinancia esta acción de dinamización comercial e á Xunta de Galicia pola súa achega. E tamén quero dar as grazas aos nosos patrocinadores, de forma moi especial, a Cervexas Alhambra, que colabora co Ribadeo Indiano na súa liña de compromisos por apoiar todas aquelas experiencias únicas pensadas para desfrutar cos cinco sentidos; ao Banco Sabadell e a Caixa Rural, que afianzan e aumentan a súa colaboración con nos, e a Galipizza e A Cofradía de Rinlo, xa que sen a súa inestimable axuda non poderiamos poñer en marcha este sorteo”.
A presidenta de Acisa subliñou: “dende Acisa Ribadeo queremos resaltar o noso compromiso coa organización do Ribadeo Indiano e como consecuencia co traballo en estreita colaboración co Concello de Ribadeo para levalo a cabo. Ambas entidades aportamos o que somos capaces, cada un dende as súas posibilidades, para levar a cabo un gran evento que dinamice a economía local e fomente o turismo”.
O alcalde, Dani Vega, subliñou que “o Concello e Acisa traballan estreitamente na organización do Ribadeo Indiano, que será unha cita moi especial neste 2023. Contaremos cun amplo programa de actividades, que presentaremos dentro duns días, e que van culminar o 9 de xullo co concerto de Eliades Ochoa no barrio indiano de San Roque e co sorteo da viaxe a Cuba para dúas persoas”.
O rexedor engadiu que “contaremos con alicientes dabondo na nosa vila do 7 ao 9 de xullo para celebrar ao grande o VIII Ribadeo Indiano, que estará dedicado á arquitectura daquela época. Estamos ultimando os detalles para recibir aos milleiros de persoas que eses días se achegarán ata aquí para render homenaxe á nosa emigración”.
Na presentación do sorteo da viaxe a Cuba participaron o alcalde, Dani Vega, os concelleiros e concelleiras Begoña Sanjurjo, Marta Saiz e Diego Dos Santos, así como a presidenta, a tesoureira, o secretario e xerente de Acisa, Carmen Cruzado, Manoli Torviso, Felipe Fernández e Jesús Pérez.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
