Burela, 10 de xuño, 2023. Goleada no Pavillón Municipal Vista Alegre de Burela esta tarde ás 17.00 horas no segundo encontro da primeira eliminatoria dos Playoff polo Título de Primeira Federación de Futsal Feminino, Pescados Rubén Burela FS – Poio Pescamar FS, cun resultado final de 9-3. No outro encontro da eliminatoria, MSC Torreblanca – Atlético Navalcarnero, o Torreblanca consegue empatar o encontro e vencer nos penaltis provocando un terceiro partido que se xogará en Navalcarnero o vindeiro martes e que decidirá quen se enfrontará ao Pescados Rubén na segunda e última eliminatoria do Playoff polo Título. Unha situación ideal para o Burela FS xa que non sufrirá o desgaste dun terceiro partido mentres que o equipo ao que se enfrontará na final si o fará. Pola súa banda o Poio Pescamar, que fixo unha tempada incrible, queda sen opcións de gañar a liga a o non poder cun Burela que dominou o encontro practicamente os 40 minutos cunha segunda parte arrasadora que non permitiu ao rival levantar cabeza aínda que non deixou de loitar ata o último minuto.
Nunha primeira parte máis tensa para o Burela, máis igualada e prudente por parte de ambos equipos, comeza o equipo mariñán con forza cun gol de Irene Samper en canto empeza o partido. Continúa o xogo con oportunidades para ambos os equipos pero sen atopar a portería. Unha moi clara de Peque no minuto 11 despois dunha socorrida recuperación de Irene Samper na súa portería complementando a Caridad. No minuto 17 chega o empate do Poio cun gol de Anna. Chega o descanso cun tenso marcador 1-1.
Na segunda parte comeza o espectáculo do Pescados Rubén cun gol de Peque no minuto 21 despois dun pase de Emilly que a mete na área rival onde a capitá remata e pon ao seu equipo en vantaxe 2-1. Dous minutos despois Dany continua avantaxando ao Burela cun gol tras unha boa combinación con Emilly. Segundos despois nun saque de banda no que Patricia pasa o balón a Jozi, unha oportuna Laura Uña róuballe o balón á porteira brasileira e encaixa o 3-2. Pero pouco dura a alegría do equipo pontevedrés, no minuto 24 de novo Peque nunha xogada individual consegue o 4-2. Tras unha falta perigosa e dobre paradón de Jozi chega o 4-3 despois dun corner cara atrás onde recolle Luci que pasa o balón e remata unha Irene García moi ben posicionada. No minuto 26 expulsan a Luci por dobre amarela pero non é ata o 32 no que Irene Samper anota o 5-3 despois dun erro de Elena á que Irene rouba o balón e cóallo na portería. No minuto 33 Emilly consegue o 6-3 tras un pase de Dany que recibe desde a outra punta da pista de Irene Samper e colócalla a Emilly para unha boa xogada de finalización da nova promesa brasileira. Dous minutos despois continúa Dany co 7-3 soa ante a porteira e pouco despois repítese unha escena similar con Patricia que anota o 8-3. Remata o recital de goles Saki, co 9-3 final no minuto 37 tras un pase de Antía que consegue exceder á porteira do Poio. Termina o encontro e o Pescados Rubén Burela FS está na Final para optar ao que sería o seu cuarto título dos catro disputados esta tempada.
Julio Delgado, moi orgulloso do tabajo realizado, recoñece unha primeira parte máis tensa “aínda que nos fomos con empate a uns fómonos algo enfadados porque tivemos moitísimas ocasións e concedemos un gol moi infantil, pero a segunda parte foi un rodillo e voume supercontento, a actitude foi extraordinaria”. Sobre a final “se pasa Futsi teremos o factor cancha en contra, se pasa Melilla terémolo a favor, a verdade é que as eliminatorias están moi igualadas. O noso obxectivo era estar aí, na final, creo que chegamos moi ben, en bo momento, con moi boas sensacións. Facendo unha semifinal moi completa e despois de perder o último partido de Liga, perder o factor cancha creo que o resolvimos moi ben e imos con moita moral e moi boas sensacións para disputar a final”.
Ficha Técnica Pescados Rubén Burela FS – Poio Pescamar FS
Pescados Rubén Burela FS: Caridad (P), Dany, Peque (C), Irene Samper, Emilly – cinco inicial- Saki, Jenny, Antía Pérez, Patricia, Jozi Oliveira (P).
Poio Pescamar FS: Elena (P), Laura Uña, Martita, Anna, Elena Aragón, – cinco inicial -, Agostina, Dani Sousa (C), Irene, Rocío Gómez, Luci, Sandra Buzón (P)
Goles: Min.1 Irene Samper 1-0; min.17 Anna 1-1; min.21 Peque 2-1; min.22 Dany 3-1; min. 23 Laura Uña 3-2; min.23 Peque 4-2; min.24 Irene 4-3; min.31 Irene Samper 5-3; min.32 Emilly 6-3; min.34 Dany 7-3; min.35 Patricia 8-3; min.37 Saki 9-3.
Equipo Arbitral: Roberto Amor, Jose Manuel Carreira, Andrea de Luis Iglesia
TA: min.2 Anna, min.4 Dani Sousa, min.18 Luci, min.25 Luci, min.29 Julio Delgado (entrenador PRBurelaFS), min.37 Patricia.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
