Sábado 27 de maio. Ás 18.30 horas desta tarde, sábado 27, no Pavillón Municipal La Seca de Poio, disputouse o encontro da xornada 30 de Primeira Federación de Futsal Feminina, último encontro da tempada, co clásico dos derbis galegos Poio Pescamar FS – Pescados Rubén Burela FS. Derbi non sólamente importante por ser o clásico, neste caso ambos os equipos, que ocupaban e seguen ocupando o 2º posto (o Poio) e o 3º posto (o Pescados Rubén) na táboa clasificatoria, a poucos puntos de diferenza xogábanse o factor cancha no vindeiro Playoff, unha boa vantaxe que se levou o equipo pontevedrés que saíu vitorioso de encontro cun resultado final 2-1. Un encontro no que o conxunto laranxa dominou o balón a maior parte do tempo pero non soubo finalizar con acerto, ao contrario que o equipo pontevedrés, que soubo aproveitar as non moitas oportunidades que tivo durante o encontro.
Na primeira parte comeza presionando o Burela cunha oportunidade de Emilly no minuto 1, entre outras. A pesar de que o equipo laranxa chegaba a portería e dominaba o balón chega o gol do Poio no minuto 7 tras unha moi boa saída e roubo de balón de Sandra Buzón nun pase de Jenny a Antía que empeza o contraataque por parte de Laura Uña, Irene e Luci que remata en 1-0 para as pontevedresas. Tras numerosas oportunidades do Burela que non entran en portería, entre outras Antía no minuto 10 tras un roubo de Dany, outra de Peque nunha contra de novo tras un roubo de Dany nun saque de corner que remata nun paradón da habilidosa porteira Sandra Buzón, dúas oportunidades máis no minuto 15, outra de Peque cun tiro raso que volve a deter Sandra e a segunda de Patricia que vai fóra tras un saque de banda. Chega por fin o gol do Pescados Rubén Burela FS cun disparo de Dany desde fóra da área despois dun pase longo de Emilly. Chega o descanso 1-1 no marcador.
Na segunda parte, o Burela sae co mesmo quinteto que no inicio o partido, comeza o xogo presionando e dominando o Burela, con 5 disparos a porta nos primeiros 2 minutos. Outro paradón de Sandra Buzón tras un disparo de Peque tras un roubo de balón no minuto 23, outra oportunidade de Jenny no 31 tras unha recuperación de balón de Emilly. Tras un paradón espectacular de Jozi Oliveira, dobre oportunidade de Antía no minuto 32 despois dunha parede con Peque cun disparo que desvía Sandra e outra tras o corner que vai fóra e, no minuto 33, chega o gol de Laura Uña nun rexeite tras unha recuperación e tiro a porta de Irene. Tras bastantes oportunidades máis, dúas de Dany, Irene Samper, Emilly e probar con porteira-xogadora con Patricia, segue sen chegar o gol ata o final do encontro, que se resolve 2-1 outorgando o factor cancha ao Poio Pescamar FS.
A pesar da derrota e a perda da vantaxe que é comezar o Playoff xogando na casa, do que si que se lamenta o técnico do conxunto mariñán, Julio Delgado, móstrase positivo, xa que dominaron todo o partido e, aínda que non estiveron certeiras, “hai que buscar as cousas boas, creo que empezamos bastante ben o partido, cunha boa defensa. Parece que ao principio tiñamos un pouquiño de ansiedade, logo xa na segunda parte saímos un pouquiño máis tranquilas”, “non me vou descontento do partido, amolado pola derrota pero ben, non estivo o equipo a un nivel alto e ao rival custoulle gañarnos. Vin o partido totalmente do noso lado, creo que a proposta de fútbol sala volvímola poñer nós e ao final este tipo de partidos son así e ás veces pérdese”. E sobre o Playoff, “quedo tranquilo porque ao final os partidos importantes son estes, teño un bo scouting para ver e un bo partido para analizar onde podemos facerlles dano e estou convencido de que o sábado vai ser un partido diferente e ímonos a levar a primeira vitoria do Playoff”.
Ficha Técnica Poio Pescamar FS – Pescados Rubén Burela FS
Poio Pescamar FS: Sandra Buzón (P), Laura Uña, Martita, Anna Escribano, Luci, – cinco inicial -, Elena Aragón, Agostina, Dani Sousa (C), Irene, Rocío Gómez, Elena (P)
Pescados Rubén Burela FS: Jozi (P), Dany, Peque (C), Irene Samper, Emilly – cinco inicial- Saki, Claudia, Jenny, Antía Pérez, Dasha, Patricia, Emilly, Ester (P), Caridad (P).
Goles: Min.7 Luci 1-0; min.17 Dany 1-1; min.33 Laura Uña 2-1.
Equipo Arbitral: Roberto Segundo Amor Vizoso, Borja Darriba Villamor, María López López, Carlos Mosquera González.
TA: min.23 Martita, min.32 Antía Pérez.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
