Nota de Prensa
NOTA DE PRENSA
As obras desta nova infraestrutura darán comezo a finais deste mes ou principios de outubro
A FUTURA REDE DE SANEAMENTO DE CERVO CONTARÁ CUN SISTEMA DE DEPURACIÓN PIONEIRO NA PROVINCIA QUE USA PLANTAS PARA ELIMINAR RESIDUOS
* Técnicos de Augas de Galicia e da empresa adxudicataria das obras estiveron hoxe no concello para dar a coñecer aos responsables municipais os detalles do novo proxecto
* O sistema do tratamento das augas residuais destes dous núcleos farase de xeito ecolóxico e consistirá nunha balsa na que, a través de plantas macrofitas, se depuran as augas fresiduais osixena a auga e pode volver a utilizarse
* Este método depurativo ten aparellado, ademais, un aforro nos custes de explotación e mantemento de case un 50% respecto ao tratamento bioquímico empregado habitualmente nestas instalacións
* A Xunta financiará o 100% das obras cuxo custe ascende a 1,7 millóns de euros
Cervo, 8 de setembro de 2010.- O Concello de Cervo será a primeira administración pública da provincia de Lugo que conte cunha depuradora municipal baseada nas propiedades das plantas acuáticas para o tratamento das augas residuais do núcleo de poboación de Cervo.
Así o deron a coñecer na mañá de hoxe técnicos de Augas de Galicia e da empresa adxudicataria das obras da nova rede de saneamento do núcleo de Cervo aos responsables municipais. Segundo indicou o alcalde, Alfonso Villares, esta proposta de modificación foi incluída polos técnicos aproveitando a necesidade de ter que reformular o proxecto inicialmente previsto ao decidirse hai dous meses o cambio de emprazamento da estación depuradora cara a un lugar máis axeitado.
O novo sistema de depuración mantén as súas previsións iniciais de dar servizo a unha poboación potencial de 1.500 habitantes e servirá para depurar as augas fecais da capitalidade municipal mediante un sistema sinxelo e limpo que evita os lodos e non require apenas de enerxía, cumprindo así o protocolo de Kyoto. O tratamento consistirá nunha primeira fase de separación de graxas, areas e sólidos das augas residuais. Unha vez “peneiradas”, as augas pasarán a unha balsa duns 9.000 metros cúbicos na que haberá plantas macrofitas, que son unhas das moitas especies de xuncos que medran de forma natural nos estanques. De feito, o proceso que van a desenvolver estas plantas é o que antigamente realizaba a propia natureza nas xunqueiras.
Debido ao seu carácter de reprodución rizomática, a macrofita irá medrando e formando nas súas raíces un auténtico entramado semellante ao dunha alfombra. Deste xeito, cando a auga de fecais entre na balsa, os residuos iranse quedando no fondo, a planta oxidará a materia e os rizomas alimentaranse das propias bacterias. Na parte superior, o manto estable que se forma coas follas, evita que se creen malos olores e a porosidade da planta fai que o osíxeno atmosférico se filtre desde o aire hasta a auga a través das raíces.
“Este proxecto caracterizase polo seu baixo custe en mantemento -preto dun 50% respecto aos sistemas actuais-, e unha maior rendibilidade para o Concello fronte ás opcións alternativas” indicou o rexedor cervense, quen salientou que con este sistema “se consegue que as plantas eliminen o fósforo, o nitróxeno, as bacterias e a materia orgánica; constituíndo así un xeito de depuración máis completo que ningún outro dos utilizados na actualidade e ademais é cen por cen ecolóxico ” recalcou Villares.
AS OBRAS COMEZARÁN NUN MES
O rexedor local adiantou tamén que na xuntanza de hoxe os técnicos lle comunicaron a súa intención de dar inicio ás obras desta nova rede de saneamento a finais do presente mes “ou principios de outubro”.
Villares lembrou que o saneamento de Cervo era unha infraestrutura reiteradamente demandada polo Goberno local e polos veciños deste núcleo de poboación dende hai tempo “e que finalmente se puido materializar a principios do presente ano grazas á boa disposición dos actuais responsables da Consellería de Medio Ambiente”. Ademais, salientou a importancia que ten para todos os veciños da conca do Xunco contar con esta nova rede de saneamento “non só desde un punto de vista medioambiental, senón tamén como infraestrutura para o desenvolvemento, o progreso e o crecemento destas localidades, algo polo que sempre apostou este Goberno municipal”.
O rexedor asegurou que coa nova rede de sumidoiros e a nova depuradora garantirase a prestación dun servizo de calidade para os habitantes que bordean o Xunco, ao tempo que suporá un aforro para o concello “e permitiranos ter unha visión integral dunha zona de especial interese paisaxístico e natural coma é a canle deste río e a súa contorna”.
Para a construción desta nova infraestrutura a Xunta de Galicia destinará 1.752.744,10. O departamento que dirixe Agustín Hernández financiará o 100% do custo das obras, que se executarán nun período de 12 meses.
Este tipo de infraestruturas básicas son consideradas polo Goberno local de Cervo como prioritarias para o desenvolvemento harmónico do concello. Neste último ano dende esta administración local estanse a intensificar as xestións para conseguir mellorar e garantir que estas redes de servizos básicos cheguen a tódolos habitantes do termino municipal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
