Ribadeo, 16 de maio, 2023. O BNG de Ribadeo elaborou un programa de goberno para o mandato 2023-2027 no que as veciñas e veciños de Ribadeo poden comprobar o compromiso que adquire Pablo Vizoso Galdo, e toda a candidatura do BNG de Ribadeo, para os vindeiros catro anos. Fixemos o mesmo en anteriores ocasións, e volvémolo facer nesta campaña electoral.
Nese programa ben se pode comprobar que en materia de promoción económica, turismo e actividade cultural, levamos propostas concretas que marcan un camiño a seguir para continuar desenvolvendo a nosa actividade social, económica e cultural. E sabemos recoñecer cando podemos intentar influír noutras administracións, e cando somos nós quen temos responsabilidades no tema. Non prometemos facer unha cousa que non está nas nosas mans; comprometémonos a negociar, e mesmo demandar se é preciso, ante outras administracións, a rebaixa do solo industrial. Así o fixemos neste mandato que remata; e con éxito: baixaron os prezos do solo industrial. Pero cando o PP presidía o goberno central nunca aceptou a petición do concello de Ribadeo de rebaixa do prezo do chan industrial.
Pero cando temos responsabilidades, dicimos abertamente que imos desenvolver o Plan Especial das Catedrais, ou potenciar o Portal de Emprego xa creado. E podemos dicir con orgullo que Ribadeo é o concello da Mariña onde máis baixou o paro nos últimos anos. E afirmamos con clareza que imos habilitar un local de usos múltiples para os diferentes colectivos empresariais. E non esquecemos algo tan fundamental na historia recente do comercio ribadense como foi a creación das Panchas. Nin as sucesivas campañas de promoción do consumo local cando a campaña do Nadal. Nós, facemos. Algúns ocultan feitos para non recoñecer os logros dos demais.
E tamén concretamos os nosos proxectos no ámbito cultural: reforma do Forte de San Damián e da vella Estación do Tren Mineiro. Non precisamos crear ningún ente público-privado que coordine a actividade cultural co sector privado. O Concello xa se coordina con ACISA e co conxunto do sector comercial para deseñar os seus principais eventos que requiren da implicación de toda a sociedade ribadense. Ben á vista está o grado de implicación de todos e todas na celebración de eventos como o Ribadeo Indiano ou a campaña das Panchas.
Na recente visita do vicepresidente da Xunta, e conselleiro de Industria, Francisco Conde, volvemos a asistir a un baile de xeneralidades, incluso prometendo cousas que non están na man do concello. O PP de Ribadeo, coma un mantra que toca interpretar cada elección, quere baixar os impostos; pero non nos di como vai suplir os ingresos que se perdan. Iso xa o sabemos: con recortes.
O Concello de Ribadeo ten redistribuído a riqueza xerada por toda a sociedade ribadense tanto a través de políticas sociais como de actividades destinadas á promoción económica (como por exemplo as Panchas, ou as axudas destinadas a superar a crise derivada da COVID, ou a suspensión temporal de cobro de taxas por terrazas cando a pandemia).
Pola súa banda, Francisco Conde, vicepresidente da Xunta, e conselleiro de Industria, súmase ás propostas xenéricas do candidato Daniel Vega sen entrar en materia. Todo é unha suma de xeneralidades e lugares comúns sen entrar polo miúdo en ningún tipo de compromiso. Especialmente, no que se refire á reforma integral do Hospital Asilo.
Seguimos agardando da Xunta a decisión, negro sobre branco, con partida orzamentaria, aprobada en firme, a cantidade de diñeiro que o goberno de Alfonso Rueda, apoiado polo deputado Daniel Vega, vai dedicar á reforma integral do Hospital Asilo. Un día máis de campaña; un día máis agardando esa decisión. Pero non da chegado. Tan só se fala de xeneralidades, pero non de cousas concretas. Unha vez máis, o candidato Daniel Vega vendeu fume; e o vicepresidente Francisco Conde fíxolle os coros. Saiban as veciñas e veciños de Ribadeo que nós, o BNG, Pablo Vizoso Galdo, cumprimos. Con ou sen apoio da Xunta, levarase a cabo a reforma integral do Hospital Asilo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
