A creación e xestión dun centro “coworking” para emprendedores na Casa Rouco e a implantación dunha marca protexida para a comercialización da carne vacún de Muras, dúas das accións programáticas a destacar para desenvolver na vindeira lexislatura
Muras, 6 de maio de 2023. O BNG de Muras comezou a presentar aos veciños e veciñas os obxectivos do seu programa electoral para o vindeiro mandato, entre os que destacan a recuperación da xestión directa do servizo de axuda no fogar, un dos servizos fundamentais do concello, que actualmente está prestando arredor de 19.000 horas anuais, das cales 18.000 a xente dependente, cunha equipa de 18 auxiliares. Con esta nova medida poderíase aforrar ata un 20 % do custe do servizo, e poderíamos ter un xestión máis eficaz e eficiente, ademais de recuperar o control total da prestación do programa de axuda no fogar, a pesar de que é unha competencia exclusiva da Xunta de Galiza que o PP non quere asumir e lla carga aos concellos. No ámbito dos servizos sociais, outra das accións a levar a cabo é a reforma e adaptación da reitoral de Muras para convertela nun centro socio-comunitario para os maiores, e para iso, o alcalde Manuel Requeijo, xa realizou diferentes xestións no obispado para conseguir a cesión do inmoble e que isto sexa unha realidade nos vindeiros anos.
O candidato do BNG manifestou que “A vindeira lexislatura vai ser a da promoción económica, ca posta en funcionamento do polígono industrial e a creación dun centro “coworking” na casa de Rouco. Os emprendedores terán sitio e ferramentas para levar a cabo os seus proxectos”. Requeijo engadiu que “No sector agrogandeiro creemos que tamén é importante contar cun mecanismo de protección e promoción da carne vacún de Muras, que polas súas especiais características de alimentación, manexo e calidade debe ser diferenciada e protexida, para favorecer a súa comercialización a un prezo digno para os gandeiros e imos traballar arreo para conseguilo a través da creación dunha “Marca Muras”. Por último, o alcalde e candidato apuntou que “Temos un programa con propostas serias e viables, coas que podemos seguir mellorando o benestar e os servizos sociais de Muras. Co BNG no goberno, a veciñanza pode estar segura que non imos recortar nin un céntimo en servizos e axudas, propoñendo novos proxectos para que Muras siga a ser un referente e non polo que se coñecía cando gobernaba o PP.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
