Nota de Prensa
O CONCELLO PROMOVE A MELLORA DE DÚAS PISTAS DE RÚA EN COLABORACIÓN COA ASOCIACIÓN VECIÑAL DESTE NÚCLEO DE POBOACIÓN
* A iniciativa conxunta fraguouse mediante a elaboración por parte do Concello do proxecto técnico destas dúas actuacións e que posteriormente foi utilizado pola asociación veciñal para optar aos programas provinciais de colaboración con entidades veciñais
* O Concello colaborará ademais facendo fronte á cantidade que debería aportar a Asociación de Veciños, que ronda os 4.000 euros
Cervo, 6 de setembro de 2010.- O Concello de Cervo promove a pavimentación de dúas pistas en O Pereiro e na Ponte de Rúa en colaboración coa asociación de veciños desta parroquia cervense.
Segundo indicou Yolanda Pedreira, concelleira do grupo de Goberno local, a iniciativa conxunta entre Concello e representantes veciñais fraguouse a través do alcalde pedáneo deste núcleo de poboación e nun primeiro momento materializouse mediante a elaboración por parte do Concello do proxecto técnico destas dúas actuacións, o cal foi posteriormente utilizado pola asociación de Rúa para optar aos programas provinciais de colaboración con entidades veciñais.
COMPROMISO MUNICIPAL
A este respecto a representante local sinalou que no día de hoxe representantes da asociación veciñal de Rúa veñen de comunicarlle ao Concello a confirmación dunha axuda económica por parte do ente provincial de algo máis de 11.800 euros para levar adiante estes traballos “e o Concello colaborará aportando a cantidade restante para poder levar adiante estas obras -e que en principio lle correspondería aportar á Asociación de Veciños- posto que se trata da mellora dunhas infraestruturas moi demandadas polos habitantes deste núcleo de poboación” salientou Pedreira.
OBRAS
As obras a realizar consistirán na mellora e adecuación das pistas de Ponte de Rúa a Lombo e no Pereiro, ambas na parroquia de Rúa. Na actualidade estas pistas atópanse en mal estado por mor do desgaste e das choivas sufridas na primavera pasada. Para subsanar o seu deterioro realizarase unha actuación consistente no acondicionamento e pavimentación a base de triplo rego asfáltico. Estes traballos de asfaltado traerán aparellados ademais obras previas de explanación dos dous trazados e a construción de tajeas para canalizar as augas pluviais ao longo dos seus respectivos traxectos. O orzamento final destes traballos ascende a preto de 16.000 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
