Lourenzá, 1 de maio de 2023. O BNG presentou hoxe a súa candidatura á alcaldía de Lourenzá. Candidatura que encabeza a traballadora do Sergas Belén Fanego Barreira e da que forma parte tamén no número 3 a actual concelleira e portavoz municipal Áurea Vázquez Abal (Mani) e que conta con numerosas incorporacions, de diferentes idades, de diferentes sectores e das diferentes parroquias.
En palabras da alcaldable Belén Fanego, “O BNG quere gobernar Lourenzá porque tén un proxecto e un modelo que se aplica xa en moitos concellos do país e da comarca. Nós ofrecemos rigor, traballo, e sobre todo humildade e atención ás preocupacións da veciñanza e aos problemas que nos acheguen e queremos a participación de toda a sociedade para traballar conxuntamente na procura de solucións”. A candidata avanzou tamén ideas centrais do seu programa, como a potenciación do comercio e o turismo local, o desenvolvemento local e a creación de emprego, a mellora dos servizos municipais, o ocio, o patrimonio e uns servizos sociais integrais, donde as persoas serán o principal obxectivo.
A presentación foi no Centro Social de San Xurxo, e interviron: Áurea Vázquez Abal, actual portavoz municipal, o deputado mariñao no Parlamento Daniel Castro e a candidata Belén Fanego Barreira.
A candidatura é a seguinte:
1. Belén Fanego Barreira
2. Francisco Xabier Trigo Maseda
3. Áurea Vázquez Abal (Mani)
4. Anxo Fernández Villalba
5. Miguel Rodríguez Acebo
6. María José Terrados Díaz
7. Pedro Rodríguez Romero
8. Ana García Cuadrado
9. Héctor Terrón Salvatierra
10. Daniel Recalde López
11. Concepción Ares Sanmartín
Suplentes:
1. Martín Bouso Iglesias
2. Ramón Valiña Rivas
3. Yolanda Ramil Seivane
4. César Docampo Fernández
5. Pedor Barreira Salgado
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
