Nota de Prensa
O obxectivo deste programa é o de achegar o porto de Ribadeo aos cidadáns, a través de varias actividades
PORTOS DE GALICIA INICIA UN PROGRAMA DE ACTIVIDADES PARA O PORTO DE RIBADEO DENTRO DOS ACTOS PROGRAMADOS PARA O XACOBEO 2010
* Con este programa preténdese fundamentalmente dar a coñecer o porto de Ribadeo e a súa relación histórica co Camiño de Santiago, programando unha serie de actos nos que se pode participar ou aos que se pode asistir como espectador
Santiago, 3 de setembro de 2010.- Portos de Galicia, comezará mañán sábado día 4 o programa de actividades denominado Ribadeo, Porto Xacobeo, cunha exposición sobre o Camiño Xacobeo do Norte que estará exposta durante os días 4 ao 10 deste mes, no Fuerte de San Damián, incluído dentro dos actos programados para o Ano Santo 2010.
O obxectivo deste programa é o de achegar o porto de Ribadeo aos cidadáns, a través de varias actividades. Tamén mañán sábado dia 4 terá lugar un concerto de música clásica co Cuarteto de Saxofóns de A Coruña no Auditorio Municipal “Hernán Naval” e o lúns día 6 de setembro, ás nove da noite, haberá unha conferencia acerca do Camiño do Norte impartida por Juan Ramón Fernández Pacios, responsable do Centro de Interpretación do Camiño do Norte de Mondoñedo e investigador e autor da obra “Hospitalidade e peregrinos. O Camiño do norte na Mariña lucense”.
Con este programa preténdese fundamentalmente dar a coñecer o porto de Ribadeo e a súa relación histórica co Camiño de Santiago, programando unha serie de actos nos que se pode participar ou aos que se pode asistir como espectador. Ao mesmo tempo poténcianse as instalacións portuarias dándolle un uso que integra a actividade económica, o uso social e cultural dos portos de xeito harmónico.
Portos de Galicia levará a cabo este programa nas instalacións portuarias distinguidas como portos Xacobeos. Trátase de portos que pola súa situación dentro dos diversos Camiños de Santiago están relacionados por ser punto de referencia para os peregrinos.
Portos Xacobeos
Esta aportación ao fenómeno Xacobeo supón unha gran oportunidade para dar a coñecer por primeira vez a vinculación dos portos cos diferentes Camiños, nunha aposta por favorecer o coñecemento das nosas instalacións portuarias. Tamén se aproveita a oportunidade que nos ofrece este ano Santo para achegar a realidade sociocultural dos municipios galegos tanto aos seus habitantes coma aos seus visitantes.
En total, 15 portos forman parte deste programa que engloba cinco Camiños de Santiago: o do Norte, Fisterra-Muxía, Camiño Inglés, Portugués e ruta Marítima de Arousa. Os portos distinguidos como Portos Xacobeos son os de Ribadeo, Betanzos, Pontedeume, Corcubión, Cee, Muxía, Fisterra, Tui, Pontevedra, Pontecesures, Vilanova de Arousa, Cambados, Rianxo, A Pobra do Caramiñal e Ribeira.
Cuarteto de Saxofóns da Coruña
O Cuarteto de Saxofóns da Coruña xestouse na aula do profesor Narciso Pillo en 1992. Nace coa idea de difundir o saxofón e cubrir o oco existente na música de cámara do noso país no que ao saxofón clásico refírese, labor que veu realizando desde a súa fundación, debido ao entusiasmo e acollida que se lle dispensa nas súas actuacións.
Composto pola elite dos saxofonistas galegos, o Cuarteto de Saxofóns da Coruña é notable pola calidade interpretativa dos seus membros, que fan valer o seu instrumento baixo unha forma que ata o presente foi moi pouco explotada, mostrando as ricas posibilidades do grupo en canto a sonoridade, timbre, extensión e beleza tanto a nivel individual como de conxunto.
O repertorio que traballa o Cuarteto de Saxofóns da Coruña está formado case exclusivamente por música do século XX tento en conta que o instrumento naceu a finais do XIX, aínda que tamén fai fronte a transcrisións das obras clásicas máis representativas. No seu repertorio destacan compositores como Glazounov, Bozza, Francaix, Desenclos, Ibert, Pierné, Boucard, Singelée, River, Iturralde… Na actualidade, os seus compoñentes dedícanse á docencia nos Conservatorios de Galicia e forman parte de importantes colectivos bandísticos. Recentemente gravaron un CD con obras de: J. S. Bach, A. Desenclos, J. Rueff, P. Max Dubois e G. Pierné
Compoñen o grupo:
Narciso Pillo (sax. soprano)
Eva Aguiar (sax. alto)
Gerardo Bacelo (sax. tenor)
Marcos Mariño (sax. barítono)
SAÚDOS, GABINETE DE COMUNICACIÓN DA CONSELLERÍA DO MAR
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
