Ribadeo, 20 de abril de 2023. O 16 de setembro terá lugar a IX Media Maratón Ribadeo-As Catedrais. O evento foi presentado hoxe. A inscrición para participar ábrese mañá, día 21. A Media Maratón está organizada polo Concello de Ribadeo co que colaboran, entre outros, El Progreso e Acisa.
O concelleiro de Deportes, Jorge Díaz, indicou que “comeza o prazo de inscrición dunha nova edición da Media Maratón que vai desde a Praza do Concello ata As Catedrais e que será o 16 de setembro ás cinco da tarde. Ábrese o prazo de inscrición este venres a partir das 17 horas coas seguintes cuestións: para os 100 primeiros inscritos, 5 euros; a partir dos 100 en adiante ata o 17 de maio serán 6 euros; desde o 18 de maio ata o 25 de xullo, 7 euros; do 26 de xullo ao 15 de agosto, 8 euros; e desde o 16 de agosto ata o 12 de setembro, 9 euros. Para estas inscricións está aberto o portal championchipnorte.com”.
O edil ribadense sinalou que “esta carreira non sería factible sen todo o voluntariado que se move, toda a xente que colabora, todos os que poñen ese grao de area para estar a disposición da organización. Quero dar as grazas tamén a todas as entidades que colaboran nesta edición”.
Para Díaz Freije “este é un percorrido idílico, dunha beleza única, que vai ao carón da senda da costa e que pasa por Rinlo e por outros sitios moi bonitos de ver. Aparte é unha carreira que ten as súas peculiaridades e as súas connotacións. Animar a todos a que veñan participar porque van ser benvidos e benvidas ao concello de Ribadeo”.
O delegado do Progreso na Mariña, Xavier Lombardero, destacou a implicación de moitos ribadenses na organización dunha proba que o Concello conseguiu situar nestes anos como referente das media maratón no norte peninsular: “miles de atletas e afeccionados chegaron en equipo ou coas súas familias para disfrutar da carreira e da estadía en Ribadeo”. E engadiu: “os 21 quilómetros sobre asfalto, terra e zahorra seguindo o perfil dos acantilados e praias son unha marabilla para todas as idades e o grupo El Progreso está encantado de colaborar”.
A presidenta da Asociación de Comerciantes, Industriais, Servizos e Autónomos, Carmen Cruzado, manifestou: “en Acisa estamos encantadas e encantados de colaborar con eventos deportivos como esta Media Maratón, que reúne ano tras a ano a centos de deportistas en Ribadeo, que ademais de disfrutar da práctica do deporte e do espectacular percorrido da proba, tamén acoden a Ribadeo cos seus familiares. Todas elas e eles aproveitan a fin de semana para gozar da nosa vila e da súa contorna, para comer ou cear na nosa hostalería e para facer compras no comercio referente que seguimos a ter en Ribadeo…”. E subliñou que “toda actividade deste calibre ten repercusións na economía local e iso é sempre moi importante. Neste caso será no mes de setembro, algo que contribuirá a prolongar a tempada de verán… durante esa fin de semana”.
No acto de presentación, que tivo lugar no Campo de San Francisco, participaron os concelleiros de Deportes, Igualdade e Turismo, Jorge Díaz, Mónica Freire e Pablo Vizoso, o técnico municipal de Deportes, Iván López, así como a presidenta e o xerente de Acisa, Carmen Cruzado e Jesús Pérez.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
