A concentración promovida por SOS Sanidade Pública será simultánea en todo o país
A Mariña 20 de abril de 2023. A Plataforma sanitaria da Mariña convoca unha concentración diante do centro de saúde de Burela o vindeiro mércores 26 de abril ás 20 horas. Esta concentración, promovida por SOS Sanidade Pública, plataforma da que somos parte, realizarase de forma simultánea na maioría de localidades de todo o país.
Este acto reivindicativo, que responde ao lema “Queremos a nosa Atención Primaria”, retoma as mobilizacións que durante meses percorreron os diferentes centros sanitarios da comarca acompañados da recollida de sinaturas en apoio da ILP de medidas urxentes para recuperar e fortalecer a Atención Primaria. O logro de máis de cincuenta mil sinaturas en todo o país culminou nunha manifestación multitudinaria e histórica en Santiago que foi cualificada como o “ Nunca Máis da Sanidade”.
O colectivo sanitario volve poñer no foco da atención a Atención Primaria por ser o eixo central do sistema sanitario, e advirte que o seu desmantelamento esta a producir un xeito de reaccións en cadea que trascenden este nivel asistencial e que poñen tamén en perigo a atención hospitalaria, xa de por si moi deteriorada.
Segundo explica Montse Porteiro, portavoz da Plataforma Sanitaria da Mariña, o goberno galego nada fixo para arranxar os problemas dos que adoece a sanidade pública e continúa a falta de persoal sanitario de todas as categorias. As nosa crianzas seguen sen pediatra, non se substitúe ao persoal sanitario con permisos ou baixas, o persoal administrativo ten unha carga de traballo inasumible sen que desde a administración reforcen a este colectivo, obrigándoos por outra banda a utilizar ferramentas de traballo que non axilizan a asistencia pero que si multiplican a súa carga de traballo e vulneran a intimidade do paciente. Tamén advirten desde o colectivo que estamos case ás portas do verán e esta comarca multiplicará por tres a súa poboación, sen que desde o Sergas se puxeran solucións, co perigo real de que se colapsen os dous niveis asistenciais, sen previsións de reforzar o persoal e cuns profesionais en todas as categorías que están ao límite da súa resistencia, esgotadas, maltratadas pola administración e en moitos casos sufrindo problemas de saúde físicos e mentais derivados de estres continuado ao que están sometidos. “Cremos que o sistema vai rebentar e as consecuencias serán imprevisibles e desastrosas para o conxunto da sanidade pública”- explican.
Por todos este motivos desde a Plataforma en Defensa da Sanidade Pública da Mariña chaman ás veciñas e veciños da comarca a acudir a esta concentración diante do Centro de Saúde de Burela e amosar a nosa repulsa ante o desmantelamento que está a sufrir a sanidade pública e está a conducir á privatización da sanidade a pasos axigantados. “Advertimos de que o experimento de privatizar tamén a Atención Primaria que o PP iniciou en Andalucía pronto chegará aquí” -conclúen.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
