Hai agora máis ou menos dous anos Pablo Iglesias demitía como vicepresidente do Goberno do Estado e requiría do seu presidente, Pedro Sánchez, o nomeamento como vicepresidenta de Yolanda Díaz á quen unxiu de vez como candidata de Unidas Podemos para as vindeiras eleccións xerais.
Nestes dous anos Yolanda Díaz construiu unha imaxe mediática de sorriso, diálogo e xestión progresista, ao longo dun delongadamente demorado proceso de dúbidas que, pola contra, non afortalou os alicerces sociais do seu espazo político. Aínda recoñecendo que non foron tempos doados para a política de rúa, Yolanda Díaz estragou tempos e posibilidades de actuación sen que saibamos moi ben o que aprendeu nese suposto proceso de “escoita” das bases que xustificaría os seus malfadados tempos.
A moción de censura da caspa española e os cálculos electorais de Pedro Sánchez ofrecéronlle este día unha boa oportunidade mediática de proxectar a súa razonabilidade cordial, que contrastaba coa mensaxe de España monolítica, machista e clasista de Abascal e Tamames. Xa que logo viuse obrigada presentar a súa candidatura este domingo 2-A, dous anos despois! do seu nomeamento por cooptación decidido por Iglesias.
Nestes dous anos Yolanda acadou o apoio de Más Madrid e Más País, IU e PCE, Equo e outros grupos verdes, Chunta Aragonesista, Compromìs e os canarios de Drago, canda outros grupos locais. Pola contra non foi quen de pactar coa xente de Iglesias (que seguen a mandar en Podemos) a necesaria unidade para que este invento electoral sexa eficaz. Podemos esixe primarias abertas previo rexistro para elixir as persoas candidatas nas vindeiras estatais. Yolanda Díaz accede á proposta de primarias, mais sen definir a súa fasquía nin perímetro censual. Sen dúbida as trampulleiras mañas de Echenique nas primarias para a elección das persoas candidatas de En Marea nas nacionais galegas de 2016 remanece presente nos miolos da política ferrolá.
Mentres, as dúas ponlas da esquerda española extra PSOE non van ser quen de enfrontar as eleccións municipais (nin as autonómicas de varios territorios) dende candidaturas de unidade. Sen dúbida yolandistas e podemitas arelan maximizar sobre os outros a súa vantaxe relativa despois do proceso electoral do 28-M. Mais o certo é que os danos directos e colaterais dos uns e dos outros poden mancar de xeito substancial as posibilidades electorais de Yolanda Díaz e das súas forzas aliadas nas eleccións estatais da fin deste 2023.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
