Ribadeo, 31 de marzo de 2023. Os socialistas ribadenses destacan a actuación do Goberno de España para rehabilitar o acceso á praia do Cargadoiro, que poderá usarse de novo desde o inicio do vindeiro verán porque as obras xa están adxudicadas e teñen un prazo de execución de dous meses. A voceira do PSOE na corporación municipal de Ribadeo e candidata á Alcaldía nas eleccións do 28 de maio, Marta Rey, e o número 2 da lista, Víctor López, visitaron o lugar onde se van realizar os traballos, cun investimento de 46.500 euros por parte do Servizo Provincial de Costas, e amosaron a súa satisfacción por esta “moi boa nova” para Ribadeo.
Ademais Marta Rey e Víctor López agradeceron as xestións realizadas para esta actuación por parte da subdelegada do Goberno en Lugo, Isabel Rodríguez, quen anunciou onte que “os traballos previstos consistirán na reparación e consolidación da estrutura que da soporte ás escaleiras, ademais da remodelación desta infraestrutura, o que redundará nunha mellor protección fronte á ondada. Estas reparacións, que se iniciarán nas próximas semanas e teñen un prazo de execución de dous meses, lévanse a cabo nesta época do ano para non correr o risco de que se produzan temporais que afecten a estas zonas, o que supoñería que a intervención quedase sen efecto. Con estas actuacións dáse resposta a unha demanda da veciñanza, permitindo aos usuarios e turistas empregar de novo este espazo natural. O obxectivo é que a praia do Cargadoiro se atope no estado óptimo para o inicio da tempada estival”.
A portavoz do PSOE en Ribadeo comentou: “queremos poñer en valor o compromiso do Goberno de España, neste caso do Ministerio de Transición Ecolóxica e Reto Demográfico, que acaba de adxudicar por valor de 46.500 euros as obras de mellora do acceso á praia do Cargadeiro. Esta nova chega xusto a tempo para que os veciños e veciñas do noso concello poidan disfrutar agora que se achega o bo tempo desta praia, que para moitos ribadenses é importante xa que é evita o uso do coche para desprazarse a outras praias do noso concello ou da comarca. Así que, unha vez máis, hai que recalcar o compromiso dos socialistas co concello de Ribadeo”.
O acceso á praia do Cargadoiro resultou afectado por un desprendemento de terras que provocou o conseguinte baleirado e falta de apoio da estrutura que dá soporte ás escaleiras polo que tivo que ser cortado.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
