Viveiro, 22 de marzo de 2023. A alcaldesa de Viveiro, María Loureiro, participou esta mañá na presentación da programación do “XV Foro Comunicación y Escuela 2023” que se celebrou na Junta General do Principado de Asturias, en Oviedo.
Baixo o lema “El valor del medio rural”, o Instituto de Educación Secundaria “Elisa y Luis Villamil” de Vegadeo impulsa un ano máis este proxecto educativo que busca por en valor á comarca asturiana de Oscos-Eo na sociedade.
Nesta edición, o Concello de Viveiro terá un papel protagonista coa visita o próximo 1 de xuño dun grupo de 45 estudantes de 1.º de Educación Secundaria, xunto aos seus profesores e ao alcalde de Vegadeo, para desfrutar da actividade “Vegadeo-Viveiro: unidos por el tren” que incluirá diferentes actos.
A alcaldesa agradeceu aos seus organizadores que elixisen Viveiro para formar parte do programa e aplaudiu a continuidade deste proxecto que, dende o ano 2009, desenvolveu 763 accións en diferentes puntos de España e do estranxeiro ademais de contar coa presenza de destacados poñentes.
María Loureiro insistiu, ademais, en que a educación tamén é unha das prioridades do seu grupo de goberno. “Unha educación que, como defende este Foro, cree na igualdade de oportunidades, sen importar quen es ou onde naceras, e unha educación que facilite as ferramentas e os valores para que a nosa xuventude alcance os seus soños e metas”, subliñou María Loureiro.
A alcaldesa avanzou nesta presentación algunhas das actividades das que poderán desfrutar os escolares de Vegadeo como o paseo polo casco antigo, declarado Conxunto Histórico Artístico, polo porto de Celeiro, un dos portos pesqueiros máis importantes da cornixa cantábrica, ou o traxecto no ViverTren que os levará ata Covas e os seus Castelos.
“Na vosa viaxe en tren descubriredes cantas cousas nos unen, porque a irmandade de asturianos e galegos é un feito, pero tamén estou segura de que haberá cousas que vos sorprenderán”, apuntou María Loureiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
