O Goberno xa comezou a traballar na segunda convocatoria do Bono Cultural Xove, que se abrirá nos próximos meses, e na que investirá 210M€
O Valadouro, 15 de marzo de 2023. A subdelegada do Goberno en Lugo, Isabel Rodríguez, animou hoxe no Valadouro aos establecementos e empresas culturais da provincia a adherirse ao Bono Cultural Xove, o programa do Ministerio de Cultura que ofrece unha axuda directa de 400 euros aos mozos e mozas de 18 anos para adquirir e desfrutar de produtos e actividades culturais. “Esta iniciativa supón unha inxección económica de máis de 450.000 euros para o sector cultural da provincia, do que xa se beneficiaron 1.139 lucenses, favorecendo o consumo cultural entre os máis novos e contribuíndo á recuperación dun sector tan importante como o das industrias culturais”, remarcou a subdelegada.
Isabel Rodríguez visitou esta mañá, acompañada do alcalde do Valadouro, Edmundo Maseda, o establecemento Ferreira, unha das empresas que participan no programa do Goberno. Alí, intercambiou coa xerente do local, Rosa María Pérez, as impresións de como está a funcionar esta primeira edición do programa e destacou que o Bono Cultural Xove “dinamiza comercios de proximidade coma este, no rural da provincia”.
O Bono Cultural Xove funciona exclusivamente naquelas empresas, comercios e entidades culturais que previamente solicitasen a súa adhesión ao programa. “Todo o tecido cultural da provincia, tanto público como privado, está convidado a sumarse ao programa, desde teatros, festivais e salas de cine, pasando por museos, librerías ou tendas de música”, informou a subdelegada. Ata o momento, as compras en comercios especializados distribuíronse, principalmente, entre cine, videoxogos, espectáculos e libros.
Neste senso, todas as entidades interesadas en vender os seus produtos e servizos aos portadores desta tarxeta poden tramitar a súa adhesión ao programa a través da páxina web www.bonoculturajoven.gob.es.
Unha vez concedida a axuda, os mozos dispoñen dun ano para gastar os 400 euros. O Bono Cultura Xove funciona cunha tarxeta de prepago que emite Correos e que o beneficiario pode ter de forma virtual no seu móbil ou de forma física. Neste caso, pode recollerse en calquera oficina postal de España. Con esa tarxeta poderase gozar de experiencias e produtos culturais. O deseño do Bono, dividido en tres tramos, favorece diversificar o investimento, coa seguinte distribución:
– 100 euros para produtos físicos, por exemplo, libros, prensa ou discos.
– 100 euros para produtos dixitais: prensa dixital, podcast, videoxogos en liña.
– 200 euros para artes escénicas: teatro, ópera, cinema, danza, museos.
Bono Cultural 2023
O Ministerio de Cultura xa comezou a traballar na segunda convocatoria do Bono Cultural Xove, que se abrirá nos próximos meses, e na que investirá 210 millóns de euros. Para este 2023 se tivo en conta a experiencia do primeiro ano, de forma que se optimice o sistema de solicitude e tramitación, da que se poderán beneficiar as persoas nadas en 2005. Ao respecto, Isabel Rodríguez avanzou que todas aquelas empresas que xa forman parte do Bono Cultural Xoven poderán seguir ofrecendo os seus servizos ou produtos sen necesidade de realizar trámite algún.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
