O portavoz popular, Javier Castiñeira, lembra que na pasada lexislatura, o Concello, gobernado polo PP, mellorou o pavillón e cre que agora é necesario avanzar cambiando os marcadores
Foz, 24 de febreiro de 2023. O PP focense ten demostrado con claridade o seu compromiso co deporte neste municipio. Agora dá un paso máis e, segundo sinala o portavoz popular, Javier Castiñeira, “tal e como quedaramos na última reunión que tivemos o grupo municipal do PP e os responsables do C.B. Celtas, o delegado territorial da Xunta, Javier Arias, e o xefe de Deportes, o grupo municipal popular pediu no pleno municipal, mediante un rogo, que o equipo de goberno solicite subvención autonómica para un novo marcador electrónico, en sintonía cos que hai xa colocados en diferentes pavillóns da comarca, que incluso permiten a reprodución de vídeos”. Queren que tal solicitude sexa formulada en canto a Xunta faga pública a convocatoria destas axudas para equipamentos deportivos.
Castiñeira explica que “esas subvencións supoñen unha financiación importante dende a Xunta de Galicia, de maneira que o Concello colabora cunha parte”. Engade: “Nese marco queremos que tamén se solicite apoio para conseguir os marcadores de 24 segundos, os marcadores de posesión, porque os que están instalados actualmente fallan con frecuencia”.
Javier Castiñeira confirma “o compromiso do PP co deporte focense”. Lembra que “o pavillón amañouse na anterior lexislatura, polo equipo de goberno, do PP, e hai que seguir avanzando e nese sentido vai esta petición”.
Os populares cren que conseguir os novos marcadores “é interesante porque é un equipamento que modernizaría o noso pavillón e é pedido polo C.B. Celtas, que vén de recibir, hai poucos días, unhas canastras de minibasket a modo de subvención da Xunta de Galicia”. Engade: “O club o merece, polo que esperamos que o goberno local atenda o rogo do Partido Popular de Foz”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
