O Grupo Municipal Popular de Ribadeo tamén pedirá explicacións no vindeiro pleno sobre os incumprimentos no campo de Oteiro na Devesa ou no polideportivo da rúa Alfredo Deaño
Ribadeo, 14 de febreiro de 2023. O Grupo Municipal Popular de Ribadeo pedirá explicacións ao goberno local do BNG no vindeiro pleno sobre as promesas incumpridas en materia de deportes. Nese sentido, os populares queren que o goberno do BNG explique aos ribadenses cando ten pensado investir no deporte e acometer as actuacións prometidas no local que emprega o club de piragüismo, no campo de Oteiro na Devesa e no polideportivo da rúa Alfredo Deaño.
O coordinador de deportes do PP ribadense, Tito Suárez, sinala que “falabamos das promesas incumpridas deste goberno do BNG en relación ao campo de fútbol de Oteiro; pero non se quedan só aí. Prometeron investir no local que emprega o club de piragüismo, pero é outra promesa incumprida. Nin trazas nin intención de dar cumprimento a eses traballos. Prometen, prometen; pero ao final non fan nada. Todo queda niso: promesas”.
O popular pregunta, nese sentido, “por que o goberno do BNG non deixa que as propias entidades deportivas cubran as súas necesidades cando piden axudas a outra administración. Este goberno do BNG é coma o can do Hortelano, nin come nin deixa comer. Iso si: son rencorosos e malintencionados con aqueles que non lles bailan as gracias. Para iso si que están rápidos”.
“O noso grupo municipal levará todas estas cuestións ao vindeiro pleno” porque “seguiremos colaborando co deporte da nosa vila”, conclúe Tito Suárez.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
