Viveiro, 20 de xaneiro de 2023. A Semana Santa de Viveiro foi protagonista esta mañá en FITUR na presentación, por parte de Turgalicia, das Festas de Interese Turístico Internacional de Galicia.
No acto, a alcaldesa María Loureiro destacou a singularidade da Semana Santa viveirense, a súa antigüidade, a devoción que rodea cada unha das procesións, e sobre todo agradeceu a implicación de todos aqueles que traballan para mantela como referente do concello.
“A nosa Semana Santa ten oito séculos de antigüidade e non se concibe Viveiro sen ela. É unha celebración meramente relixiosa pero que sabe combinar tamén o turismo, a cultura e a tradición”, subliñou a rexedora.
A Semana Santa de Viveiro é a máis lonxeva de Galicia, chama a atención pola riqueza patrimonial da súa imaxinería e o seu éxito está baseado no compromiso e na participación da veciñanza. “É algo que sempre dicimos e nos gusta destacar, o éxito da Semana Santa de Viveiro débese á implicación de todos os veciños e as veciñas, pois independentemente da súas crenzas relixiosas, non hai ningunha familia na vila que non teña algún membro que participe nela dalgunha forma”, afirmou María Loureiro.
“Tamén e vital o traballo da Xunta de Cofrarías que cada ano saben manter a tradición e tamén adaptarse aos novos tempos”, engadiu a alcaldesa no acto en FITUR.
O Concello asiste en Fitur á presentación do II Congreso Europeo de Semana Santa e Pascua
O Concello de Viveiro asistiu en FITUR á presentación da segunda edición do Congreso Europeo de Semana Santa e Pascua que organiza a “Red Europea de Celebraciones de Semana Santa y Pascua”, entidade da que forma parte dende a súa creación no ano 2019.
A cita terá lugar os próximos días 2 e 3 de marzo no Palazzo Reale y Oratorio di Santa Elena e Costantino de Palermo, en Sicilia, e será a primeira edición que se realizará de maneira presencial.
O tenente de alcalde de Viveiro, Jesús Fernández, destacou a importancia deste Congreso Europeo como punto estratéxico para acadar o recoñecemento como Itinerario Cultural Europeo no que a Rede leva xa tempo traballando.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
