Advirte que a Xunta está a tramitar na actualidade proxectos do ano 2010 eximindo ás empresas dos compromisos adquiridos e este proceder “vaina levar aos tribunais”
Santiago de Compostela, 20 de xaneiro, 2022. O deputado do BNG, Luís Bará acusou á Xunta de incumprir a lei e seguir adiante cun “modelo eólico depredador que dana gravemente o territorio galego, o medio rural e medio ambiente”. O nacionalista cualificou o modelo eólico da Xunta de “ataque sen precedentes” en Galiza dun modelo, dixo, “de espolio e depredación” sobre o medio rural “invadido por centos de proxectos eólicos que ocupan o seu territorio e ameazan o seu modo de vida”.
O parlamentario do BNG insistiu en que o modelo eólico do PP, converte a Galiza “nun territorio de sacrificio para a produción masiva de enerxía eólica” baixo a premisa de “Galiza produce, Madrid consume”. Madrid, engadiu, preocupouse de ter “cero parques eólicos e ser territorio libre de eólicos”. Este marco, explicou foi creado na lei do sector eléctrico no ano 2013 gobernando o Partido popular e ampara “toda esta marabunta, avalancha e barra libre” tras a adaptación da lei por parte da Xunta de Galiza no ano 2017 e coa intención de favorecer a tramitación dos proxectos que remataba no ano 2020. O prazo, recalcou Bará, remataba no ano 2020 e agora a Xunta está tramitando ducias de proxectos do concurso eólico do 2010, eximindo mesmo dos compromisos adquiridos polas empresas nese ano. Esta circunstancia, advertiu o nacionalista, “vainos levar aos tribunais”.
O BNG rexeita os contedores marróns e aposta pola compostaxe, local, domiciliaria ou comunitaria
Na comisión de Medio Ambiente o deputado do BNG tamén preguntou ao goberno pola bonificación do quince por cento do canon de SOGAMA aos concellos do que dixo, constatamos “diversos vaivéns do goberno pola falta de criterios e directrices”.
Bará preguntou cal é realmente a posición do goberno sobre este asunto xa que o BNG recibiu unha resposta a unha pregunta parlamentaria referíndose a tres condicións para bonificar o 15% do recibo do canon de Sogama: “redución de residuos e incremento de reciclaxe, trasladar a rebaixa do recibo ás persoas que o abonan e por último, que os concellos asuman o compromiso de introducir a recollida separada dos bioresiduos, antes do 21 de decembro do ano 2023”.
Tras a intervención da Directora de Calidade Ambiental, Sagrario Pérez Castellanos, o deputado criticou que a Xunta non puxera en marcha ningún sistema para a recollida deses bioresiduos cambiando esta terceira condición pola imposición dos chamados “colectores marróns ou quinto colector”. Bará cualificou a medida de “erro” e que responde a unha “opción pero nunca debe ser unha obrigación”. Esta obriga, reiterou, “é ilegal e pode ser recorrida e anulada”.
Na implantación dos colectores marróns a Xunta excluíu desta obriga aos concellos de menos de 2.000 habitantes pero ao resto se queren beneficiarse do desconto deben facer uso deles. A media é “un disparate” ante a dispersión de poboación cando en realidade existen outras alternativas como a compostaxe local, domiciliario ou comunitaria pero o goberno galego escolle a “peor opción”.
O nacionalista amosou un informe do director de Medio Ambiente no que afirma que mercar contenedores para os bioresiduos, encher a paisaxe de contedores e aumentar as rutas de recollida resulta “económica e ambientalmente insostible”. O quinto contenedor foi rexeitado nun gran número de concello pola dificultade da súa implantación e moitos expertos e expertos na materia xa cuestionaron este modelo.
Dende o BNG, dixo Bará, apostamos por incentivar aos concellos para incrementar a recollida separada dos bioresiduos e que se prime “o tratamento de proximidade, a compostaxe local, domiciliaria e comunitaria, sempre que sexa posible. O goberno “non pode obrigar aos cidadáns a utilizar o colector marrón”, deben ser os concellos os que decidan como se fai, porta a porta ou con colector marrón “pechado con tarxeta ou chave”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
