A presentación tivo lugar nun xantar popular no que participaron a secretaria xeral do PPdeG, Paula Prado, o coordinador xeral do PP de Lugo, José Manuel Balseiro, e a senadora lucense Rosa Arza
O Valadouro, 15 de xaneiro de 2023. José Manuel Lamela repetirá como candidato do PP á alcaldía do Valadouro, onde xa foi rexedor entre o 2011 e o 2013, despois de formar parte do equipo de goberno durante 16 anos. A presentación do candidato tivo lugar nun xantar popular celebrado no Hostal O Novo e nela participaron a secretaria xeral do PP de Galicia, Paula Prado, a senadora lucense Rosa Arza, e distintos membros da dirección provincial encabezados polo coordinador xeral, José Manuel Balseiro Ourol, así como afiliados e simpatizantes.
Lamela trasladoulles o seu agradecemento por asistir á proclamación da súa candidatura e aposta pola renovación dun equipo “comprometido co Valadouro”. O obxectivo, dixo, é volver gañarse a confianza dos veciños e veciñas do municipio para dar resposta ás súas necesidades e para ser unha alternativa real de cara ás vindeiras eleccións municipais.
O candidato do PP considera necesario “conservar e manter os distintos servizos do municipio, como son as estradas, o saneamento, o alumeado público e todo aquilo que precisen os veciños e veciñas”. “Temos un proxecto serio, centrado no noso territorio e que defende iniciativas para mellorar a calidade de vida dos veciños e dinamizar a actividade económica do noso concello”, resaltou.
ANOS DE DESGOBERNO NO VALADOURO
A secretaria xeral do Partido Popular de Galicia, Paula Prado, puxo en valor o traballo dos populares do Valadouro ao longo destes anos “tendo como única prioridade a defensa dos intereses dos veciños” e felicitounos pola súa aposta por José Manuel Lamela “para seguir liderando o proxecto que O Valadouro merece e necesita”.
Recordando a moción de censura que no ano 2013 acabou con “25 anos de estabilidade e prosperidade da man de gobernos do Partido Popular”, Paula Prado asegurou que este episodio “só serviu para converter ao Valadouro nun lugar ingobernable e aos seus veciños en reféns dos pactos de perdedores e da incapacidade de xestión do actual goberno”.
Por iso apelou á maioría que quere que a vila “deixe de ser noticia polo seu desgoberno, volva á senda da estabilidade da que nunca debeu desviarse e teña por fin un alcalde que se dedique a resolver e non a crear máis problemas”. Unha maioría que, tal e como concluíu, fará posible que O Valadouro “acapare os mellores titulares o 28 de maio por recuperar un goberno do Partido Popular da man de José Manuel Lamela”.
Para os populares, o concello do Valadouro leva anos paralizado ante o desgoberno do PSOE e o BNG. Balseiro explicou que “estes anos o único que fixo o goberno local foi traer retrocesos no Concello”; “cremos que temos o proxecto necesario para poder volver a ter a confianza dos veciños e dar unha estabilidade política e institucional da que ata agora carece O Valadouro”, engadiu.
“Nos anos de goberno do PSOE e o BNG non se avanzou en ningunha materia. Neste sentido, a non implantación do polígono industrial no concello é un exemplo claro de desgoberno. O Valadouro leva anos aspirando con frustración a dispoñer dun polígono que permita a dotación dunha oferta de solo atractiva e suficiente para localizar industrias e implantar novas actividades económicas que favorezan o desenvolvemento da zona e o emprego”, sinalou.
“Só hai que comparar os anos de goberno do PP e os do PSOE para ver que os avances máis significativos no que respecta aos asuntos de relevancia sempre tiveron como protagonistas os gobernos populares”, concluíu Balseiro.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
