O Presidente, José Tomé Roca, asinou co Alcalde, Roberto García Pernas, un convenio de colaboración que servirá para renovar as beirarrúas da Avenida das Pontes e da Avenida Vilalba e para dotar á vila dunha senda peonil paralela á LU-P-2205
Lugo, 3 de xaneiro de 2023. O Presidente da Deputación de Lugo, José Tomé Roca, asinou co Alcalde de Xermade, Roberto García Pernas, un convenio de colaboración que servirá para mellorar a accesibilidade do municipio por un importe total de preto de 127.000€, dos que a institución provincial achegará 123.640€ e o Concello 3.224€.
O proxecto contempla a renovación das beirarrúas de dúas arterias fundamentais para Xermade. As da Avenida das Pontes e da Avenida Vilalba, conectadas entre si e que dan acceso dende a Casa Consistorial á Biblioteca Municipal, un parque infantil, o polideportivo ou o CEIP da localidade, polo que son moi empregadas pola veciñanza. Os traballos consistirán na construción de novas plataformas. A actuación conectará, ademais, as baixantes das pluviais dos tellados á rede municipal.
Por outra banda, grazas a esta colaboración, construirase unha senda peonil paralela á LU-P-2205, que conecta Xermade con Porto Souto, e que dará continuidade á beirarrúa existente, mellorando a seguridade dos veciños e das veciñas do municipio. Terá un ancho de 1,80 metros e contará cunha rede de pluviais para recoller a auga das chuvias.
Tomé Roca enmarcou este acordo no compromiso de colaboración da Deputación cos Concellos para que poidan ofrecer máis e mellores servizos á veciñanza. “Estas actuacións suporán unha mellora da accesibilidade e da seguridade para os veciños e veciñas deste concello, aumentando a súa calidade de vida e beneficiando á actividade do municipio, xa que nesta zona concéntrase boa parte da vida da vila”.
A Deputación con Xermade
O Presidente sinalou que este convenio é unha mostra mais da “cooperación continua que mantemos co Concello de Xermade e con todos os municipios da provincia”. Subliñou que a Deputación destinou un investimento de máis de 2,26M€ só no que vai de mandato, e “vamos a seguir nesta liña de colaboración”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
