Riotorto, 28 de decembro 2022. O BNG de Riotorto continuou esta mañá coa recollida de sinaturas en defensa da sanidade pública e da restitución da atención médica no centro de saúde, que desde o pasado 12 de decembro non conta cun servizo continuado ao non cubrir o Sergas a ausencia de ningún dos dous facultativos titulares.
A forza nacionalista responsabiliza “a Xerencia da Área Sanitaria da falta de atención a 1.200 veciñas e veciños que levan tres semanas sen contar cunha asistencia sanitaria normalizada, con demoras nas consultas e na xestión de receitas, que se acumulan para as horas soltas nas que hai algunha médica ou médico no centro, e co 061 como alternativa para unha urxencia”. En suma, explican, “unha situación insostible, que xoga coa saúde das persoas”.
O BNG continuará coa campaña durante os vindeiros días, con recollida de sinaturas e puntos informativos nas distintas parroquias do concello. “As veciñas e veciños están demostrando que non se resignan a este deterioro da sanidade pública que o Partido Popular quere para Riotorto”.
O grupo nacionalista pregunta “onde están o alcalde e o goberno municipal que, ante a maior agresión aos servizos sanitarios do concello nestes últimos anos, se esconden detrás do BNG e da veciñanza, en lugar de esixir solucións aos responsables da xestión sanitaria do seu propio partido. Recuperar os servizos sanitarios debería ser agora mesmo a única ocupación do goberno municipal”.
Iniciativa no Parlamento Galego
O BNG levará ao Parlamento Galego a situación dos servizos sanitarios no Concello de Riotorto. A través dunha iniciativa na cámara galega, a forza nacionalista reclamará á Xunta de Galicia persoal para cubrir as dúas prazas de médico coas que conta o centro de saúde e garantir a súa continuidade.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
