Cervo, 20 de decembro, 2022. O pasado domingo disputouse na localidade de Marín (Pontevedra) o Campionato Galego de Tiro con Arco en Sala. Ata alí se desprazaron os arqueiros mariñáns.
Na categoría sénior de arco recurvo, Sergio López Delantero e Pablo Rodríguez Plá, tras disputarse as series clasificatorias, conseguiron situarse na sétima e vixésimo sétima posición respectivamente. Sergio pasou a fase eliminatoria comezando en oitavos de final, o seu encontro sería ante o representante do Arc-Teixo Club (A Coruña) Diego Martínez, nun enfrentamento emocionante e moi igualado que tivo que resolverse no shoot off ou frecha de desempate. Aínda que Sergio tirou moi ben, o seu rival foi máis atinado, co resultado de 8 a 9 nos puntos de frecha, quedando descolgado da competición.
Na categoría feminina, Raquel Brea Touriño, demostrou estar a bo nivel, situándose na cuarta posición trala clasificación. A fase eliminatoria comezaría nas semifinais. O seu primeiro encontro ante Ana Olimpia Tuñon Vazquez do Club Lumelar (Ourense) resolveríase cun rotundo 6 a 0 en puntos de set a favor da ourensá. Pero Raquel recuperouse e no tiro polo bronce non perdoou á súa rival María José González Novo do Arco Ferrol, esta vez confirmando a súa superioridade cun 6-0 nos puntos de set, que lle valería o ansiado metal.
A categoría de veteranos estivo representada por Jorge Galante, que quedou na terceira posición trala clasificación. Nas eliminatorias iniciadas nos oitavos de final conseguiu vencer ao seu rival Jesus Antonio Allo Gómez, do Clube Frechas por un Tubo, por 7 a 3 puntos de set, pero caeu de novo en cuartos ante o seu vello coñecido Juan Dopico do Arco Ferrol por un rotundo 1 a 7 en puntos de set.
Na división de arco composto, destaca a participación de Jorge Álvarez Amor, que conseguiu bater o seu propio récord persoal acadado no primeiro encontro da Liga Galega en Sala celebrado en Valdoviño (A Coruña) o pasado día dez, no que colocou a súa puntuación en 555 puntos. Nesta ocasión conseguiu superar a súa marca en 13 puntos, o que é indicativo da súa boa marcha técnica. Rematou en primeiro lugar, non proclamándose campión galego ao non haber quórum regulamentario.
E como non podía ser doutro xeito, o campión e arqueiro internacional Santiago González Villares revalidou o seu título de Campión Galego e igualou a marca galega, que el mesmo situaba nos 535 puntos no terceiro encontro da Liga Galega en Sala celebrado en Valdoviño (A Coruña).
Aínda que nos encontros eliminatorios non llo puxeron fácil, en cuartos enfrontouse ao arqueiro do lumelar, David Jose Moreno Sanchéz, vencendolle por 6 a 2 puntos de set, pero tivo que poñerse en común en semifinais ante Enrique Busto Domínguez do Arqueiros club do Barbanza nun empate súper apretado, no que un 9 na frecha do shoot off daríalle a vitoria a Santiago.
Xa na final ante Luis Miguel Suárez González del Lumela,r na última entrada, o mariñán conseguiu a vantaxe, rematando 6 a 4 puntos de set o que faría que Santiago fose proclamado unha vez máis Campión Galego.
___________________________________________________________________________________________________________
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
