O Executivo galego e a frota piden que o Estado estude actuacións como unha posible parada biolóxica para as frotas de Galicia, Asturias, Cantabria e País Vasco e a habilitación das correspondentes axudas para que a súa actividade sexa rendible
Santiago de Compostela, 19 de decembro de 2022. A conselleira do Mar, Rosa Quintana, asistiu hoxe á Comisión sectorial do cerco do Consello Galego de Pesca para analizar o resultado das negociacións dos totais admisibles de capturas (TAC) e cotas para 2023. Nesa xuntanza, na que tamén participou o director xeral de Pesca, Acuicultura e Innovación Tecnolóxica, Antonio Basanta, a Xunta e os distintos representantes da frota de cerco de Galicia constataron a necesidade de que España adopte medidas para garantir a viabilidade do sector ante o recorte das posibilidades de pesca de xurelo no Cantábrico e augas de Gran Sol.
O acordo acadado a semana pasada no Consello de Ministros de Pesca da Unión Europea establece para o próximo ano unha cota desta especie nos caladoiros do norte de 15.000 toneladas, das que apenas 3.200 corresponden a España e condicionadas á pesca accesoria.
Este feito -o de non poder facer pesca dirixida entre Fisterra e o golfo de Biscaia- complica en gran medida a actividade dos preto de 150 cerqueiros cos que conta Galicia pois non se aprobaron flexibilidades interanuais nas posibilidades de captura nin aumento nos intercambios entre as zonas IXa -de Fisterra cara o sur- e VIIIc, de Fisterra cara o norte.
Ante esta situación, as partes coincidiron na necesidade de que o Goberno central estude medidas como unha posible parada biolóxica para as frotas do Cantábrico -Galicia, Asturias, Cantabria e País Vasco- e a habilitación das correspondentes axudas co obxectivo de que a súa actividade poida ser rendible.
A maiores, tanto a Xunta como o sector apostaron porque España negocie con Portugal unha xestión da sardiña en augas ibéricas que permita incrementar en boa medida as capturas unha vez que os últimos informes científicos sobre o estado biolóxico desta especie constataron que se atopa totalmente recuperada.
Balance negativo
A conselleira do Mar asegurou que o Executivo galego vai seguir traballando xunto ao sector para paliar o impacto das decisións adoptadas en Bruxelas e garantir o futuro da actividade. Neste sentido, lamentou que o resultado das negociacións dos TAC e cotas para 2023 foi negativo para Galicia tendo en conta que, tras moitas horas de contactos e debates, o acordo acadado apenas supuxo cambios en relación coa proposta inicial de Bruxelas.
Rosa Quintana salientou que os incrementos rexistrados en especies como a pescada, o rapante ou o peixe sapo se corresponden coa proposta da Comisión Europea en base aos informes dos científicos e froito do esforzo realizado polo sector para recuperar os caladoiros. Mentres, nas cuestións máis negativas -como o xurelo do norte ou a anguía- os avances foron mínimos e insuficientes malia os sacrificios que está a facer a frota e a boa xestión que se está a desenvolver en Galicia.
A conselleira lamentou a falta de capacidade de negociación da delegación española neste Consello de Ministros de Pesca e tamén a intransixencia mostrada polo Executivo comunitario, que volveu basear todas as súas decisións unicamente nos aspectos ambientais, sen atender aos económicos e sociais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
