O Secretario Xeral do PSdeG na provincia de Lugo anunciou nun encontro da candidata socialista, Alba Sinde, con veciños e veciñas do municipio que o edificio propiedade da institución provincial que albergaba o psiquiátrico “contará cunha ocupación e unha actividade efectiva”
Castro de Rei, 18 de decembro de 2022. O Secretario Xeral do PSdeG na provincia de Lugo, José Tomé Roca, anunciou que “en pouco tempo haberá unha excelente nova para os veciños de Castro de Rei”. Concretamente, con respecto ao edificio que albergaba o psiquiátrico que é propiedade da institución provincial, “que contará cunha ocupación e unha actividade efectiva”.
Ademais, valorou o apoio económico da Deputación de Lugo no concello, “co funcionamento da Granxa Gayoso Castro, co Centro de Recría ou a Granxa Experimental de Leite, onde fan prácticas alumnos de moitos puntos de España”.
José Tomé, acompañado de cargos orgánicos do partido, participou no encontro que a candidata socialista á Alcaldía de Castro de Rei, Alba Sinde, mantivo coa veciñanza para coñecer as súas necesidades.
No acto, celebrado onte sábado na Casa da Cultura de Castro Ribeiras de Lea, o dirixente socialista destacou que Alba Sinde conta coa formación que a acredita para facer unha gran labor no Concello de Castro de Rei. E sinalou que a candidata socialista “encarna un proxecto de futuro, novo, xoven, con ilusión e co que seguro ampliará o resultado electoral no concello”. Asegurou que, “se hoxe se celebraran eleccións, o PSOE melloraría os resultados no conxunto da provincia. Estamos nun bo momento, as perspectivas son boas, pero hai que traballar”, incidiu.
José Tomé, quen puxo en valor o “excelente traballo” realizado polo ex-Alcalde socialista, Juan Valiño, presente tamén neste encontro, gabou a decisión do secretario xeral e actual voceiro de Castro de Rei, Jose Luís Castro Tellado, de dar un paso a un lado, para apoiar a Alba Sinde. “Ese xesto é de agradecer”, remarcou.
Na súa intervención, Tomé Roca aludiu á política laboral que impulsa o Goberno do PP en Galicia no eido sanitario. “Os nosos mozos e mozas marchan de aquí porque as condicións laborais son peores, e os contratos son peores.” E puxo como exemplo que os médicos que se contrataron pola Covid na nosa comunidade “non se lles renovou o contrato. Isto non é unha mala xestión, é insulto á cidadanía”, replicou.
No que atinxe á política industrial, denunciou que o PP “non ten ningún plan industrial para a provincia”. Sinalou as constantes fotos de Feijóo en Alcoa, “pero solucións cero”, que a Xunta “segue sen gastar a metade do orzamento do IGAPE”, ou a súa inoperancia en Viveiro, coa empresa Vestas, “onde había 125 traballadores, pero o Goberno galego nin a pisou, cando é unha competencia da comunidade autónoma”, o mesmo que aconteceu coa empresa conserveira ALBO.
Un sentimento de orgullo
Pola súa banda, Alba Sind dixo que unhas das inquedanzas que a levou a encabezar a candidatura socialista “é a de implicar á mocidade da vila na política local. Non podemos ver aos mozos emigrar sen ningunha perspectiva para o seu futuro. Temos que opinar e decidir entre todos e todas”.
Tras percorrer as parroquias de todo o concello, comprobou como a veciñanza se queixa “de que os problemas do concello só se arranxan si están preto as eleccións. Esta é a política clientelar ás que nos ten acostumando o PP de Castro de Rei”. “E por suposto -insistiu- preséntome a estas eleccións porque teño un sentimento de orgullo de traballar polo meu pobo e poñelo no mapa”, explicou na súa intervención.
Arroupe socialista
Xunto ao Secretario Xeral do PSdeG na provincia, a candidata socialista estivo acompañada neste acto pola Secretaria de Organización na provincia, Pilar García Porto, o Voceiro do Grupo Parlamentario, Luís Álvarez, a Deputada no Congreso Ana Prieto e o Senador César Mogo, así como compañeiros e militantes da comarca.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
