Nota de Prensa 1/2
A Deputación comezará a executar nun mes obras en Viveiro por valor de 1.250.000 euros
– Trátanse de actuacións froito dun convenio impulsado por Besteiro e Roel co Goberno galego para mellorar a prestación de servizos ós veciños deste municipio
– O Presidente avanzou que a Xunta de Goberno deste venres aprobará a contratación de todos os proxectos para rematar os traballos antes da primavera
– Gómez Besteiro insta ó Goberno Galego a cumprir co convenio de Barreiros porque “de non levarse a cabo estas actuacións, a Mariña pode ter serios problemas de emprego. A Deputación fixo os deberes e ten preparada a partida orzamentaria para acometelas”
O Presidente da Deputación, José Ramón Gómez Besteiro, e o Alcalde de Viveiro, Melchor Roel, avanzaron este xoves que o organismo provincial comezará a executar no prazo dun mes obras no municipio viveirense por valor de 1.250.000 euros. Trátanse de actuacións froito dun convenio impulsado por Gómez Besteiro e Roel co Goberno galego co obxectivo de dotar de infraestruturas urbanas e mellorar os equipamentos existentes en Viveiro. O titular do organismo provincial subliñou que “en maio aprobábamos un documento para mellorar a prestación de servizos ós veciños deste municipio. Cumprimos co que nos comprometemos e tres meses máis tarde, logo da axilidade na redacción dos proxectos por parte do Concello de Viveiro, a Xunta de Goberno deste venres aprobará a contratación de todas as obras para comezar a executalas coa mesma celeridade nun mes e rematalas antes da primavera”. Pola súa banda, o Alcalde destacou que “todo isto é produto dun intenso traballo por parte dos técnicos da corporación municipal e da Deputación. Con estas actuacións, xunto ás do Plan E, o POS e o POL lograremos un novo Viveiro”
Deste xeito, o organismo provincial levará a cabo as seguintes actuacións: reparación da cuberta da Casa Calvo Sotelo (150.000 euros); creación dun campo de fútbol en Lavandeiras (200.000 euros); ampliación e mellora da rede de sumidoiros no lugar de Pallaregas-Covas (100.000 euros) e na parroquia de Galdo (150.000 euros); acondicionamento da segunda pranta do Conservatorio Municipal de Música (100.000 euros); urbanización e rexeneración do núcleo urbano do Celeiriño (250.000 euros); e pavimentación e dotación de servizos urbanos nas beirarúas de Xunqueiras a Magazos (300.000 euros).
O convenio subscrito por Deputación, Concello de Viveiro e Xunta establece a aportación dos proxectos por parte da corporación municipal, a súa tramitación e execución por parte do organismo provincial, mentras que a financiación corre a cargo do Executivo autonómico. Esta realizarase en dúas anualidades de 600.000 euros e 650.000 euros tendo de prazo máximo ata o 30 de novembro para cada ano.
Convenio Barreiros
O máximo mandatario provincial indicou que a Deputación dota de servizos públicos a Concellos de todas as cores políticas polo que o organismo provincial tamén asinou en maio un convenio de colaboración coa Consellería de Medio Ambiente mediante o cal achega 1.250.000 euros para levar a cabo proxectos de urbanización, abastecemento e saneamento nos núcleos de San Cosme, San Pedro, San Miguel de Reinante e Reinante. Ó respecto, Gómez Besteiro salientou que “o Goberno galego dicía que estas actuacións se ían a facer axiña pero nós non sabemos nada”. Ademais, amosou a súa preocupación “porque os veciños queren estes servizos e porque, de non levar a cabo estas actuacións, a Mariña pode ter serios problemas de emprego”. Deste xeito, o titular do organismo provincial instou a Xunta a solventar esta situación xa que “a Deputación fixo os deberes e, ó igual que comezamos coas obras de Viveiro, temos a partida orzamentaria preparada para acometer estes traballos en Barreiros”.
Parque de Bombeiros
O organismo provincial xunto ó Goberno galego integran ademais dende febreiro de 2009 o Consorcio provincial de bombeiros, unha entidade que ambas as dúas administracións asumen ó 50% para garantir o 100% da cobertura contraincendios na provincia mediante a posta en marcha das instalacións de Barreiros, Chantada, Sarria, Vilalba e Viveiro en xaneiro de 2011.
Deste xeito, Melchor Roel aproveitou a visita de Gómez Besteiro, Presidente ademais do Consorcio, para amosarlle a súa preocupación polas actuacións nas instalacións da localidade viveirense xa que “se as obras seguen ó mesmo ritmo o Parque de Viveiro non estará en funcionamento en xaneiro”. Deste xeito, Gómez Besteiro anunciou que a primeira semana de setembro dirixirase ó Executivo galego, responsable destes traballos, para que este a súa vez se poña en contacto coa construtora e ratifique a situación das instalacións viveirenses. “Se a Xunta non o fai farémolo nós porque o noso compromiso é que todos os parques estén en funcionamento o 1 de xaneiro”. A Deputación xa cumpriu coa súa parte ó adquirir todo o equipamento para os 5 parques investindo preto de 4 millóns de euros. No caso do parque viveirense, a achega superou os 950.000 euros logo da compra de un camión de altura, un camión nodriza, un camión BUL, e un vehículo de mando. Mentras, a Xunta, responsable das obras destas instalacións, prevé a súa finalización en novembro segundo informou na última reunión do Consorcio no mes de xuño.
Nota de Prensa 2/2
A Xunta de Goberno aproba a contratación de obras
en Viveiro por valor de 1.250.000 euros
– Son actuacións froito dun convenio impulsado polo Presidente da Deputación e o Alcalde viveirense co Goberno galego para mellorar a prestación de servizos ós veciños deste municipio
– Melchor Roel subliña que “Deputación e Concello fixeron os deberes. Cumprimos coa redacción dos proxectos e cumprimos coa súa contratación para que nun mes comecen os traballos que estarán listos en marzo”
A Xunta de Goberno deste venres aprobou a contratación de obras en Viveiro por valor de 1.250.000 euros. Trátanse de actuacións froito dun convenio impulsado polo Presidente da Deputación e o Alcalde viveirense co Goberno galego co obxectivo de dotar de infraestruturas urbanas e mellorar os equipamentos existentes en Viveiro. Dito documento, que foi ratificado en maio, establece a achega dos proxectos por parte da corporación municipal, a súa tramitación e execución por parte do organismo provincial, mentras que a financiación corre a cargo do Executivo autonómico. O Deputado de Recursos Humanos e Rexedor de Viveiro, Melchor Roel subliñou que “Deputación e Concello fixeron os deberes. Cumprimos coa redacción dos proxectos e cumprimos coa súa contratación para que nun mes comecen os traballos que estarán listos en marzo”.
O organismo provincial levará a cabo as seguintes actuacións: reparación da cuberta da Casa Calvo Sotelo (150.000 euros); creación dun campo de fútbol en Lavandeiras (200.000 euros); ampliación e mellora da rede de sumidoiros no lugar de Pallaregas-Covas (100.000 euros) e na parroquia de Galdo (150.000 euros); acondicionamento da segunda pranta do Conservatorio Municipal de Música (100.000 euros); urbanización e rexeneración do núcleo urbano do Celeiriño (250.000 euros); e pavimentación e dotación de servizos urbanos nas beirarúas de Xunqueiras a Magazos (300.000 euros).
Da mesma forma, a Xunta de Goberno aprobou as contas xustificativas de dúas obras dentro do Plan de Comunidades Veciñais nos Concellos de A Pastoriza e A Fonsagrada cuxo importe é de 24.000 euros e 8.514 respectivamente.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
