Burela, 16 de decembro de 2022. Deu comezo a segunda fase da mellora da rúa dos Matos, segundo deu a coñecer o concelleiro de Obras, Ramiro Fernández. O investimento ascende a máis de 60.000 euros.
O edil contou que “no día de onte empezamos unhas obras de renovación do pavimento nos arredores do pavillón polideportivo, na rúa dos Matos. Isto ven completar unha primeira fase que xa fixera co primeiro tramo da calle cando renovamos tanto a banda de rodadura como os servizos que había alí, porque nos estaban dando moitos problemas de fugas de auga”.
Fernández Rey explicou “agora imos facer esta segunda fase nunha zona que é de formigón, que se atopaba bastante deteriorada e que daba mala imaxe, tendo en conta que por alí pasa moita xente que fai uso do pavillón polideportivo e do Ceip Vista Alegre. Quixemos así mellorar a seguridade e o firme daquela zona”.
O concelleiro de Obras indicou que “os traballos consisten na renovación do firme e aproveitando a obra procederemos á renovación da rede de abastecemento de auga como a rede de alumeado. A primeira actuación que fixemos quedará completada con esta segunda fase”.
Ramiro Fernández dixo que “o investimento ascende a 60.413 euros, a empresa que está facendo a obra é BCNOR, que é a que gañou o concurso público para facer este traballo. Decidimos facer estas obras nestas datas aproveitando que hai moito menos uso tanto do pavillón como dos colexios. Nalgún momento imos ter que cortar o tráfico e pensamos que estas datas son as máis idóneas, sobre todo desde que collan as vacacións as nenas e os nenos. Iso facilitará todo o que é o tránsito por aquela zona”.
O edil burelés pediu desculpas polas molestias que se poidan ocasionar: “as obras sempre causan algún tipo de molestia, pedimos desculpas polas molestias que se poidan ocasionar. Pero penso que o resultado final vai ser moi positivo. Así daremos por finalizada a actuación nesa rúa dos Matos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
