Ribadeo, 13 de decembro de 2022. Acisa ven de presentar a súa campaña de Nadal, este ano coorganizada entre a asociación empresarial e o Concello de Ribadeo, que se desenvolverá do 15 de decembro de 2022 ao 14 de xaneiro de 2023. Inclúe a XII Festa do Comercio, que repartirá 4.000 euros en premios, ademais de ambientación musical, obradoiros, teatro, reparto de materiais entre os asociados e asociadas e sorpresas para os máis pequenos e pequenas da casa; así como a instalación da árbore de Nadal e na praza de San Roque.
A presidenta de Acisa, Carmen Cruzado, dixo que “hoxe presentamos a campaña de Nadal que se desenvolverá do 15 de decembro ao 14 de xaneiro. Inclúe o sorteo da XII Festa do Comercio con 4.000 euros en premios, a colocación do árbore de Nadal de Acisa, que inauguramos hai uns días, actividades para as nenas e os nenos e a entrega de material gratuíto para os nosos socios e socias”.
O xerente da asociación, Jesús Pérez, explicou que “o sorteo da XII Festa do Comercio volverá ser presencial e celebrarase na carpa instalada no Parque San Francisco o 14 de xaneiro. Desde o 15 de decembro ata o 14 de xaneiro, co fin de impulsar a primeira semana das rebaixas, as rifas estarán a disposición dos clientes de todos os negocios asociados a Acisa Ribadeo”. E subliñou que “os premios, que se repartirán son: un de 2.000 euros, un de 1.000 euros, un de 500 euros e dos de 250 euros. Un destes últimos premios (de 250 euros) será non presencial, e dicir, sortearase entre o total de rifas impresas. O resto de premios sortearanse entre os números que o dia 14 de xaneiro estean depositados na urna que estará situada na mesma carpa. Polo tanto é moi importante destacar que a rifa debe conservarse ata o 14 de xaneiro e que ese dia pola tarde deberase introducir na urna unha das dúas partes nas que se divide a rifa, e seguir conservando a outra ata a mesma hora do sorteo. Deste xeito, unha parte estará na urna para poder ser extraída e premiada e a outra quedará con nós para comprobar se temos o número. Este ano póñense en circulación 150.000 rifas, esperando que sexa unha campaña de Nadal moi animada. Esas rifas deberán ir debidamente seladas por cada establecemento para ser entregadas aos clientes”.
A presidenta de Acisa, Carmen Cruzado indicou “neste 2022 optamos tamén por xerar nas rúas de Ribadeo o mellor ambiente de Nadal posible, que faga que ao saír da casa un se alegre un pouco máis, por iso en Ribadeo volveranse escoitar, a través da megafonía, polas principais rúas as tradicionais panxoliñas e na praciña de San Roque, creamos un espazo único onde veciños e visitantes poidan fotografarse, xunto o noso árbore de Nadal e fronte ao nome de Ribadeo en tamaño XL, iluminado para a ocasión”.
Cruzado Iglesias dixo que “apostaremos tamén polas actividades para os máis pequenos. Contaremos con animación para eles grazas a obra de teatro Story Time The Elf´s Inventions o dia 18 de decembro ás 17:30 horas no Teatro de Ribadeo e un taller de adornos de Nadal o dia 24 en dúas quendas, ás 10:30 e ás 11:45 nas instalacións de Kids&Us”.
Jesús Pérez manifestou que “para completar toda esta programación debemos lembrar que este ano con motivo do Nadal entregáronse 20.000 bolsas de comercio de Acisa para os nosos socios de forma gratuíta, xunto con preto de 30.000 unidades de diversos materiais para a hostalaría, como son os envases e bolsas de comida para levar, os vasos térmicos ou bolsas de botellas de viño”.
A presidenta de Acisa subliñou: “todo isto facémolo co fin de dicirlles aos ribadenses, a veciñanza da comarca e de lugares próximos, que Ribadeo é o mellor lugar para facer as compras, tomar un viño, encargar as comidas e as ceas de Nadal e desfrutar dunhas festas diferentes. Para este Nadal non debemos esquecer a campaña das Panchas, organizada polo Concello de Ribadeo, que será sen dubida un revulsivo mais para mercar e consumir na nosa localidade e que dende Acisa conta con todo o noso apoio”.
O xerente de Acisa manifestou que “esta campaña de Nadal supón unha inversión de mais de 30.000 euros por parte Acisa. É un dos maiores, se non o maior, esforzos económicos realizados nos últimos anos, entre materiais, actividades, premios…, co fin de manter e dinamizas a economía da vila. Toda a programación deste Nadal, este ano faise de forma coorganizada co Concello de Ribadeo, baixo a premisa de que aunando esforzos podíamos facer un Nadal moito mellor. Acisa tamén coa colaboración da Xunta de Galicia e da Deputacion de Lugo. A todas as administracións lles agradecemos a súa colaboración”.
No acto de presentación da campaña de Nadal de Acisa participou tamén o concelleiro de Desenvolvemento Local e Comercio, Pablo Vizoso, que animou “a ribadenses, visitantes, veciñas e veciños de toda a contorna a achegarse a Ribadeo a facer as súas compras destas datas, a apostar polo comercio local, por eses establecementos que temos a carón da casa, onde atoparemos un trato próximo e personalizado; a gozar da nosa oferta hostaleira e de toda a programación de Nadal que atoparán aquí e imos dar a coñecer dentro días”. Vizoso Galdo lembrou que “a campaña das Panchas segue en marcha, vai a bo ritmo e temos ata o 31 de decembro para aproveitar as vantaxes da nosa moeda local”.
O concelleiro ribadense engadiu: “Concello e Acisa traballamos conxuntamente para dinamizar o comercio, a hostalería e o sector servizos e neste 2022 quixemos coorganizar o Nadal en Ribadeo”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
