Os nacionalistas recordan que a responsabilidade nas instalación municipais é do Concello
Burela, 1 de decembro, 2022. A semana pasada o Concello de Burela viuse obrigado a retirar parte do teito metálico da grada do campo de fútbol da Marosa, na que aínda está aberta ó público, por que estaba solto e existía risco de desprendemento.
Segun relata o voceiro do BNG Mario Pillado “é certo que se procedeu á retirada do mesmo pero o concello non asumiu ningunha responsabilidade con respecto ás consecuencias que ese feito tería para a SD Burela, posto que a metade da grada quedou ó aire libre. No partido o Domingo, co tempo que estaba, dende o club tiveron que tomar a decisión, sen respaldo institucional algún, de non cobrar entrada e deixar libre acceso ós vehículos dos afeccionados para que puideran seguir o partido a cuberto”.
Pillado continuou dicindo que “nós cremos que dende a entidade verde foron valentes e xenerosos, porque renunciaron ó despacho de billetes, é dicir, a unha parte dos seus ingresos polo interese xeral da súa afección e da veciñanza en xeral. Foron benmais responsables que o goberno local”
O portavoz nacionalista anunciou que “no pleno preguntamos cando vai solucionar o equipo de goberno o problema a onde encargou o material de reparación”
O Bloque leva ó pleno o malestar da veciñanza pola obra da ponte de Eijo Garay
En relación coa polémica xerada nas últimas datas sobre a obra levada a cabo na ponte da vía do tren, o voceiro do BNG sinalou que “cremos lóxico que con símbolos tan nosos como o bonito ou os nosos barcos en cuestión, a voz da veciñanza sexa expresada no pleno do concello e que o goberno local explique a situación”.
Finalizou Pillado dicindo que “a nós parécenos moi boa idea, cuns versos de Manuel María moi axeitados, pero cremos que coa promoción feita do Bonito e coa situación na que se atopa o noso sector pesqueiro, non foi a forma mais axeitada de executalo. Non temos nada que decir da autoría da obra; se un barco non pesca o responsable é o patrón, non os mariñeiros”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
