Nota de Prensa
Unhas 13.700 persoas coñecen en dous días a e-administración e as súas avantaxes coa @ da Deputación
– O organismo provincial arranca con éxito en Viveiro a campaña de sensibilización e divulgación da administración electrónica grazas a pioneira carpa tecnolóxica
– O espazo lúdico-formativo percorreá toda a provincia preparando ós veciños para a vindeira chegada da administración sen papel que acadará a Deputación en 2011
– A Xunta debe axilizar os trámites de extensión de banda longa na provincia xa que sitúa este servizo no horizonte de 2013 impedindo ós lucenses ata entón realizar os 120 trámites que permite o Innova-TE do organismo provincial
A Deputación arranca con éxito en Viveiro a campaña de sensibilización e divulgación da administración electrónica grazas a @. A pioneira carpa tecnolóxica do organismo provincial acadou só en dous días, durante a súa estancia a carón da praia de Covas da localidade vivairense os días 15 e 16 de agosto, a visita dunhas 13.700 persoas, concretamente de 13.680. Os espazo lúdico-formativo de 120 metros cadrados, de cor vermella e forma de @ deu a coñecer ós participantes dunha maneira directa, sinxela e divertida a vindeira chegada da e-administración á provincia que fará realidade o organismo provincial en menos dun ano co Innova-TE, o programa tecnolóxico do organismo provincial.
Deste xeito, 3.500 persoas involucráronse no taller sobre o DNI electrónico e acadaron un diploma que acredita ser coñecedor da “chave” da administración electrónica. Outras 1.300 lograron nos sorteos tecnolóxicos lectores de DNI, USBs, 2 ebooks (lectores de libros tecnolóxicos), e 2 netbooks (ordenadores portátiles de baixo custe e pequenas dimensións). Ó respecto das actividades que a Deputación desenvolveu co obxectivo de achegar e familiar ós cidadáns coas novas tecnoloxías, todas elas ademais cedidas de forma totalmente gratuíta ó organismo provincial en colaboración a este tarefa, 1.300 visitantes participaron no taller de fotografías dinámicas, 600 no de postais dixitais, e 2.000 nos simuladores virtuais de carreiras de coches.
Como verdadeira carpa tecnolóxica, a @ da Deputación contou con señal Wifi e Blue Wifi interactuando xa cos cidadáns ó igual que se poderá facer dende ás administracións en 2011 grazas ó Innova-TE da Deputación. Milleiros de persoas recibiron mensaxes gratuítas nos seus móviles coñecendo minuto a minuto o que acontecía na @ e outras tantas puideron conectarse á Rede.
9 millóns de euros
A @ da Deputación enmárcase dentro do Innova-TE, o programa tecnolóxico dotado de 9 millóns de euros, co-financiado nun 70% con fondos Feder e nun 30% polo INLUDES. Desta cantidade, o organismo provincial adica 7 millóns de euros á implantación da e-administración na provincia, é dicir á dotación de medios e infraestruturas necesarias, así como á formación do persoal dos Concellos e do organismo provincial para acadar unha administración aberta 24 horas os 365 días ó ano. Ademais, a Deputación inviste máis de 1 millón de euros na implantación da banda longa nas Casas Consistoriais. Deste xeito, grazas ó Innova-TE, todos os municipios que se sumaron a este programa –50 Concellos xa que Alfoz, Antas de Ulla, Barreiros, Bóveda, Cospeito, Guntín, Folgoso do Courel, Ourol, Outeiro de Rei, Pantón, Paradela, O Saviñao, Trabada, O Valadouro, O Vicedo e Xermade, todo eles gobernados polo Partido Popular, renunciaron de forma voluntaria a esta iniciativa malia a invitación da Deputación-, terán sen custe algún portais de servizos, unha conexión á Internet de 2 megas como mínimo, e ata material informático coa potencia necesaria para interactuar cos cidadáns e realizar 120 trámites coa administración dende a Internet.
Da mesma forma, e como obriga da Unión Europea, o organismo provincial achega unha partida de 800.000 euros para sensibilizar ós cidadáns coa administración electrónica e coas novas tecnoloxías mediante campañas de difusión, cesión de material de última xeración, e mesmo seminarios e cursos sobre o emprego e as avantaxes da e-administración. @ da Deputación é unha das medidas encamiñadas a este fin que se suma a outras iniciativas que o organismo provincial acometerá ó longo deste ano. Por iso, a carpa tecnolóxica contou: cun taller sobre o DNI electrónico; sorteos de lectores de DNI, USBs en forma de chave como símbolo dunha administración aberta 24 horas, 2 ebooks, e 2 netbooks; un taller de fotografía dixital, outro de postais dinámicas e un simulador de carreiras de coches, -todas elas actividades que Vodafone e R cederon de maneira totalmente gratuíta á Deputación-; así como coa participación do monologuista Oswaldo e varios excéntricos persoaxes que explicaron de maneira sinxela e directa que é a e-administración e as súas avantaxes.
Viveiro foi o primeiro destino da @ xa que a Deputación levará este pioneiro espazo lúdico-formativo por toda a provincia. O organismo provincial, xunto cos Alcaldes da provincia, está a pechar o seu calendario de estancia primando a celebración de acontecementos multitudinarios como as festas de San Roque da localidade viveirense co obxectivo de achegar a administración electrónica ó maior número de cidadáns. Deste xeito, estará presente nas festas de San Lucas en Mondoñedo e no San Froilán de Lugo.
Sen acceso á Rede
A Deputación rematará en menos dun ano o proceso de implantación da administración electrónica, de dotación de banda longa ás Casas Consistoriais e de sensibilización e difusión cidadá da e-administración ó completar en 2011 o desenvolvemento total do Innova-TE . Deste xeito, o organismo provincial habilita o “coche” necesario para lograr unha “administración sen papel e sen colas” á espera de que a Xunta, entidade con competencia directa, habilite a “autopista” precisa achegando a banda longa ó 100% dos fogares lucenses.
Na actualidade, 162.085 veciños, é dicir o 45% da poboación da provincia, non teñen acceso á Rede facendo que Lugo sexa a provincia galega coa maior porcentaxe de habitantes sen este servizo. Malia que o organismo provincial garante co Innova-TE realizar 120 trámites coa administración mediante a Internet en 2011, os cidadáns non poderán executalos e terán que seguir desprazándose ata 2013 se o Goberno Galego non axiliza os trámites de extensión de banda longa. Segundo os plans da Xunta, en 2013 o 86% dos lucenses terán este servizo quedando un 14% sen el e sen data para obtelo. Tendo en conta as súas previsións, esta é ademais a maior porcentaxe de poboación sen cobertura de banda longa respecto ó resto de provincias galegas: A Coruña (4,4%), Pontevedra (3,1%), e Ourense (5,2%).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
