Nota de Prensa
O obxectivo e racionalizar e rendibilizar estes espazos de titularidade pública
O CONCELLO CONTINÚA ESPERANDO QUE A TESOURERÍA DA SEGURIDADE SOCIAL LLE CEDA OS ESPAZOS LIBRES DA CASA DO MAR DE SAN CIPRIÁN PARA ADICALOS A USO PÚBLICO
* Hai dous anos que estes locais permanecen pechados
* O Concello leva tempo solicitado de xeito formal a xestión do edificio diante da Tesourería Xeral da Seguridade Social
* Pilar Armada e Yolanda Pedreira pensan que a Tesourería Xeral da Seguridade Social prefire que continúen pechados a pesares de que o Concello está disposto a asumir os custes de adecuación do edificio e o seu posterior mantemento
* As edís urxen dos responsables do Ministerio de Traballo unha resposta ás peticións municipais “rápida e clara”
Cervo, 16 de agosto de 2010.- O Concello de Cervo aínda non recibiu resposta algunha por parte da Tesourería Xeral da Seguridade Social para que lle ceda ao consistorio os locais da Casa do Mar de San Ciprián que actualmente se atopan baleiros.
Pilar Armada e Yolanda Garcia, concelleiras de Asuntos Sociais e Educación respectivamente, lembraron que o grupo de Goberno local leva dende hai tempo solicitado por escrito e en conversas cos responsables da Tesourería Xeral da Seguridade Social a xestión deste edificio “sen que a día de hoxe no Concello se recibira ningún tipo de resposta pola súa parte, e o tempo pasa en contra nosa para poder ubicar nestas instalacións o Punto de Atención á Infancia, tal e coma é a nosa intención” recalcaron.
Por iso, as representantes cervenses solicitan dos responsables deste organismo público que posúe a propiedade da Casa do Mar unha resposta “urxente e clara” sobre a súa petición. Na súa opinión o silencio desta administración dependente do Ministerio de Traballo e Inmigración amosa ”a desidia e o nulo interese” de colaborar co Goberno local “para racionalizar os espazos e inmobles públicos dos que dispoñemos e deste xeito rendibilizar ao máximo as posibilidades que ten este edificio de que tódolos cervenses se podan beneficiar duns locais que actualmente están sendo infrautilizados” salientaron.
“Hai dous anos que eses locais permaneces pechados e parece coma si a Tesourería Xeral da Seguridade Social preferira que continúen nese estado de abandono; e iso a pesares de que o Concello está disposto a asumir os custes de adecuación do edificio e o seu posterior mantemento. Pero aínda así, non son capaces de mandar ningún papel nin documento onde nos confirmen ou rexeiten as nosas peticións” recalcaron as dúas concelleiras.
De frutificar estas negociacións o Concello ten previsto situar nos baixos deste inmoble o Punto de Atención á Infancia municipal, mentres que o resto de locais baleiros destinaríanse para ubicar sedes de asociacións e aulas públicas para o desenvolvemento de actividades diversas.
Actualmente na Casa do Mar de San Ciprián están desocupados os locais que albergaban as oficinas do ISM e as dependencias do antigo centro de Saúde; así como varias aulas máis no andar superior. “Se a estes locais lle engadimos o salón de actos e as dependencias cuxa xestión depende do Concello temos un inmoble con moitas posibilidades de adecuación e reorganización para sacarlle un maior proveito para o conxunto dos cidadáns do municipio” lembraron as edís cervenses.
“O que pretendemos é sacar o maior proveito duns locais que non están sendo utilizados. Para iso, levamos moitos meses pedindo a colaboración das distintas institucións implicadas na xestión deste edificio e os únicos que non teñen amosado nin sequera un mínimo de respecto institucional son os responsables do Ministerio de Traballo co seu silencio e indiferenza; cousa que di moito da súa sensibilidade e do seu interese por colaborar en beneficio dos veciños e veciñas de Cervo” recalcaron as dúas representantes do Goberno local.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
