Burela, 18 de novembro, 2022. O único ocupante non precisou asistencia sanitaria e puido saír ao exterior polos seus propios medios, e as lapas afectaron a toda a vivenda e a algúns dos cables eléctricos próximos.
Dez minutos despois das 12 horas, un particular chamaba ao 112 Galicia para alertar de que estaban a saír lapas polo tellado dunha casa situada na rúa Vilar, en Burela. Segundo o mesmo alertador, o único ocupante do inmoble estaba no exterior desde o primeiro intre e non requiría ser atendido polo persoal de Urxencias Sanitarias de Galicia-061. Nos momentos posteriores, varios particulares máis chamarían para dar aviso dos feitos, engadindo que as chamas parecían estar estendéndose aos cables eléctricos instalados preto da casa.
Entón, os xestores do 112 solicitaron a intervención dos Bombeiros de Barreiros, do GES de Cervo, da Garda Civil e de Protección Civil de Burela.
Ao chegar ao lugar, os servizos de emerxencias valoraron a situación. Era necesario informar á distribuidora eléctrica da zona polas chispas que saían dos cables. Así, e tras cortar o persoal desta última a corrente, os equipos de extinción procederon a apagar as lapas.
Finalmente, os Bombeiros de Barreiros comunicaron os danos materiais rexistrados: ardera a totalidade da casa, agás un reducido anexo.
Pouco despois das 18:20 horas, desde a Agrupación de Voluntarios de Protección Civil de Burela informaban de que o lume podería estarse reavivando, polo que un membro del GES de Cervo desprazouse de novo ao lugar a fin de refrescar a zona.
Ás 19:40 horas desta tarde, os membros de Protección Civil de Burela indican que na última intervención unicamente ardeu roupa que quedaba no interior da vivenda, que aínda presentaba unha importante carga térmica.
Este xoves foron con temática de Samaín.
Esta publicación, que se enmarca na serie Monografías de Cuadernos de Estudios Gallegos do Editorial CSIC, conta cunha introdución dos editores Carlos Baliñas e Carlos Andrés González. Ademais, tamén colaboraron neste traballo de investigación, que afonda na historia e na evolución do municipio mariñán dende o medievo ata a actualidade, Abel Vigo, Aurelia Balseiro, Mª Dolores Barral e Pegerto Saavedra.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
