A través dunha proposición non de lei, transaccionada entre o Grupo Popular e o PSdeG e que non contou co apoio do BNG
Compostela, 9 de novembro de 2022. O Pleno do Parlamento de Galicia aprobou hoxe unha proposición non de lei, transaccionada entre o Grupo Popular e o PSdeG, pero que non contou co apoio do BNG, a través da que se insta á Xunta de Galicia e ao Goberno de España a facilitar a tramitación dos parques eólicos que sexan necesarios e cumpran a normativa para que o prezo da enerxía sexa competitivo para a planta de Alcoa en San Cibrao.
O deputado popular José Manuel Balseiro lamentou que “o Goberno de Pedro Sánchez veuse incapaz de ofrecer un marco enerxético que realmente permita, tanto a Alcoa como ao resto da industria electrointensiva, competir en igualdade de condicións con outras fábricas a nivel europeo”. “Estas industrias en España son moi eficientes, pero o desorbitado custe da enerxía lévalles a ter que pagar ata 215 euros por megavatio, fronte ao tope de 42 euros establecido en Francia; ao tempo qeu as medidas adicionais habilitadas polo Goberno de España, como foi o estatuto electrointensivo, teñen fracasado”, concretou.
APLICAR AS MESMAS MEDIDAS QUE EN EUROPA
“Non entendemos por que motivos o Goberno de Pedro Sánchez non aplica as mesmas medidas que están a levar adiante outros países europeos para minimizar o impacto do prezo da luz na industria electrointensiva, como tampouco entendemos como se opón sistematicamente a todas as propostas dirixidas a establecer un escudo para protexer a estas industrias e aos empregos”, cuestionou.
Balseiro criticou que “por primeira vez na historia de España, Galicia deixou co Goberno de Pedro Sánchez de producir aluminio primario” e amosouse “doído pola situación de incerteza que están sufrindo os 2.000 traballadores que ven como o tempo se aproxima á data prevista para a reactivación das cubas e os compromisos non avanzan ao ritmo esperado”.
O deputado popular afirmou que os traballadores de Alcoa e da industria electrointensiva galega “están cansos de promesas e queren feitos, pero non todas as administracións están a ter o mesmo grao de compromiso”. Así, dixo que a Xunta “xa deu o primeiro paso aprobando unha axuda directa por valor de cerca de un millón de euros para que Alcoa mellore a súa eficiencia enerxética e declarou a excepcionalidade dos tres primeiros parques eólicos”, que agora están á espera da autorización final por parte do Goberno central.
LEALDADE POLÍTICA DO BNG
Así mesmo, lembrou que da última iniciativa aprobada no Parlamento galego por unanimidade en apoio do sector electrointensivo, o Goberno de Pedro Sánchez “aínda ten pendentes de cumprir as solicitudes de recuperar os sistemas de xestión da demanda, establecer poxas específicas de produción de enerxías renovables ou fixar a máxima compensación dos custos por CO2”.
Para rematar, e dirixíndose ao BNG, José Manuel Balseiro reclamoulles “lealdade política, porque non se pode estar nas manifestacións apoiando aos traballadores e despois promover plataformas contra os parques eólicos que precisa Alcoa para subministrarse de enerxía, así como presentando recursos a través de Adega contra o encoro de lodos vermellos sen o que a empresa non pode retomar a produción”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
