Nota de Prensa
O CONCELLO ESÍXELLE ÁS FORMACIÓNS POLÍTICAS QUE CONFORMAN O GOBERNO DA DEPUTACIÓN A COMPRA URXENTE DOS TERREOS NECESARIOS PARA AMPLIAR O MUSEO DO MAR
o A pasividade amosada polos responsables provinciais neste tema pode desembocar na construción nesa zona dun edificio que, de levarse adiante, imposibilitaría a ampliación do museo
o Socialistas e nacionalistas reivindicaban a ampliación do museo cando estaban na oposición e agora, despois de tres anos e medio á fronte da Deputación non fan nada para materializar esta reivindicación de tódolos veciños de Cervo e da Mariña.
Cervo, 13 de agosto de 2010.- O Goberno municipal de Cervo ven de remitir no día de hoxe unha nova comunicación á Deputación de Lugo urxindo unha vez máis aos integrantes das dúas formacións políticas que conforman o Goberno provincial a compra inmediata dos terreos necesarios para a ampliación do Museo Provincial do Mar de San Ciprián.
Os membros do Goberno cervense lembran que dende hai tres anos e medio, o consistorio leva reivindicando por escrito diante da Deputación “e en múltiples ocasións” a adquisición dos terreos anexos á sede deste museo “sen que ata o momento se recibira no Concello nin unha sola contestación a estas peticións”. Na súa opinión, as formacións políticas que sustentan o Goberno provincial limitáronse no tempo que levan á fronte da Deputación a facer anuncios mediáticos en torno ás negociacións de compra dos terreos para ampliar o Museo do Mar, “que ata o momento non pasaron de ser máis que fume, porque a día de hoxe, o certo é que non temos constancia oficial de ningún tipo dos resultados nin do estado no que se atopan as xestións para garantir a ampliación do museo, e o tempo pasa” aseguraron.
Neste senso recordaron que os propietarios da finca contigua ao museo teñen solicitado a redacción dun estudio de detalle da mazá onde se atopa a súa propiedade para construír no seu solar un edificio de vivendas e lembraron que hai máis de tres anos o alcalde de Cervo, Alfonso Villares, advertira da necesidade de que socialistas e nacionalistas asumiran “de forma urxente” dito compromiso de adquirir ou financiar a compra deste solar, “único posible para a ampliación do museo”.
Por isto, o Concello cervense esíxelles ás formacións do equipo de Goberno provincial “que falen claro dunha vez por todas” e digan como se atopan as xestións cos donos da finca colindante ao museo “e que tamén se comprometan publicamente e sobre papeis oficiais” a comprar ou financiar dita parcela.
Os responsables locais advirten de que este “longo silencio” de socialistas e nacionalistas á fronte da Deputación pode desembocar na construción nesa finca dun edificio que, de levarse adiante, imposibilitaría a ampliación do museo; e tamén afectaría paisaxísticamente a unha zona tan significativa coma é a do paseo marítimo e a praia do Torno.
Por iso, dende o equipo de Goberno municipal cominan aos dous grupos políticos que gobernan na Deputación “a materializar o acordo da corporación cervense de hai catro anos e no que os tres grupos municipais solicitaron por unanimidade que fose a Deputación a que asumise os custos do proceso de ampliación do Museo do Mar.
PSOE E BNG, ÚNICOS RESPONSABLES
Aos resonsables municipais cervenses resultalles “canto menos curiosa” a actitude de PSOE e BNG neste asunto “xa que cando estaban na oposición eran eles os que non se cansaban de reivindicar a ampliación do museo. Sen embargo agora, despois de tres anos e medio á fronte da Deputación, non teñen feito nada para solucionar o problema de espacio desta institución”.
Os gobernantes locais aseguran que este malestar e preocupación non é un capricho do equipo de Goberno local se non que responde a unha inquietude de moitos veciños que ven como as súas doazóns de fondos ao museo teñen que estar arrumbadas en caixas no soto do edificio. Por iso, advírtenlles aos dous partidos que gobernan na Deputación que “de non asumir as súas responsabilidades e materializan dunha vez por todas os seus compromisos”, socialistas e nacionalistas serán “os únicos responsables” de que o Museo Provincial do Mar quede “definitivamente imposibilitado para seren ampliado, e así llo lembrarán tódolos veciños do Concello de Cervo e da comarca da Mariña”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
