Trátase da LU-P-0605 e a LU-P-0606, que parten as dúas da Nacional 634 e que
conectan coa Casa de Otero e con Pedregás, respectivamente; e a LU-P-0607, que vai de Benquerencia ata a praia de Fontela
Lugo, 4 de novembro de 2022. A Xunta de Goberno da Deputación de Lugo adxudicou este venres as obras para renovar tres estradas provinciais no concello de Barreiros. Son a LU-P-0605 e a LU-P-0606, que parten as dúas da Nacional 634 e que conectan coa Casa de Otero e con Pedregás, respectivamente; e a LU-P-0607, que vai de Benquerencia ata a praia de Fontela. Así o anunciou esta mañá a voceira socialista do Goberno provincial, Pilar García Porto.
Concretamente, García Porto deu conta das melloras que se realizarán cun investimento conxunto de 150.000€ no inicio da vía da LU-P-0605, nun treito de 1,2 quilómetros; no tramo que vai desde o punto quilométrico 0,473 ó 0,707 da LU-P-0606; e nos primeiros 2 quilómetros da LU-P-0607. A adxudicataria dos traballos é a empresa Construcciones Isidro Otero, SL e o prazo de execución é de 2 meses.
“Estas obras son moi importantes para a parroquia de Benquerencia, pero tamén para a mobilidade do concello de Barreiros”, destacou a voceira provincial, que apuntou que as tres estradas son moi empregadas pola veciñanza e que son “froito do compromiso que temos na Deputación de Lugo coa mobilidade. Un compromiso que queda moi ben reflexado se nos fixamos no esforzo inversor que levamos feito, por exemplo, na comarca da Mariña en infraestruturas viarias, e que ascende a preto de 23M€, só no que vai deste mandato”.
Unha senda peonil en Guitiriz
A Xunta de Goberno tamén aprobou unha achega de 132.000€ para que o Concello de Guitiriz poida acondicionar e mellorar a accesibilidade do municipio coa implantación dun paseo peonil na rúa Manuel María. Unha actuación “moi importante para o municipio porque a rúa Manuel María dá acceso a varias casas e é unha das vías que conecta o centro de Guitiriz co Centro de Saúde, e a día de hoxe non conta cun espazo específico para o paso das persoas, polo que a obra redundará na mellora da seguridade e da comodidade dos viandantes”, explicou García Porto.
Xestión Tributaria, Recadación e Inspección
A Deputación tamén aprobou a adxudicación na Xunta de Goberno desta mañá do servizo de impresión, manipulado e entrega nas oficinas de Correos das comunicacións xeradas polo Servizo de Xestión Tributaria, Recadación e Inspección da Deputación de Lugo. O importe da adxudicación é de 75.458€ e a duración do contrato de dous anos, que poderán prorrogarse por outros dous, sen que a duración total poida exceder dos catro.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
