Barreiros, 3 de novembro de 2022. O domingo 6 de novembro celebrarase a gala final do I certame de teatro amador “Convida no rural” organizado polo Concello de Barreiros xunto ó Colectivo Cultural Ollomao e que conta co financiamento da área de Medio Rural da Deputación Provincial.
Ás 19:30 h. comezará a gala na que se darán a coñecer os premiados/as das diferentes categorías; mellor actriz de reparto, mellor actor de reparto, mellor actriz principal, mellor actor principal, premio especial do público e o premio á mellor obra.
Logo da entrega dos galardóns, a gala continuará coa actuación do grupo de teatro Ollomao que representará a obra “O Documento”.
A organización informa de que as persoas integrantes dos grupos que participaron no certame terán asentos reservados polo que, para o resto do público que desexe asistir a gala, haberá aforo limitado ata completar as localidades dispoñibles.
A lista de nominados/as queda da seguinte maneira:
PREMIO Á MELLOR ACTRIZ DE REPARTO
Andrea Rodríguez e Lucía Senra (Farándula velutina)
Yolanda Lozano (O aturuxo de Melpómene)
Clara Iglesias (Disfunción continua)
PREMIO AO MELLOR ACTOR DE REPARTO
Juan Couto (A Adala)
Jorge Manchado (A Adala)
Xoán Padín (O aturuxo de Melpómene)
PREMIO Á MELLOR ACTRIZ PRINCIPAL
Cristina Hipólito e Laura de la Torre (A Cholón)
Luisa Oroza (A Adala)
María Porto (Disfunción continua)
PREMIO AO MELLOR ACTOR PRINCIPAL
Juan José Vázquez (Teatro Mariñán)
Luis Miguel Orcajo (El duende de Lerma)
Ramón Ángel Ares (A Adala)
PREMIO ESPECIAL DO PÚBLICO
Vivan os noivos (A Adala)
Es tu vida. Húndela como tu quieras (A Cholón)
A pena do cu do mundo (O aturuxo de Melpómene)
PREMIO Á MELLOR OBRA
Es tu vida. Húndela como tu quieras (A Cholón)
El lazarillo de Tormes (El duende de Lerma)
A pena do cu do mundo (O aturuxo de Melpómene)
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
